Tamil movie news in Tamil தமிழ் சினிமா செய்திகள் tamil cinema news in Tamil news Kollywood news Kollywood tamil newsTamil movies Tamil actors tamil actress up coming movies mega events tamil news தமிழ் சினிமா செய்திகள் | Tamil Cinema, Movie News in Tamil: 16 May 2012

வீட்டு மனைகளை கூவி கூவி விற்கும் சின்னத்திரை நட்சத்திரங்கள்!

Land Selling Advertisement Models Tv Artist

இப்போதெல்லாம் காலை நேரத்தில் எந்த டிவி சேனலை போட்டாலும் யாராவது ஒரு நடிகை வீட்டு மனை விற்பனை விளம்பரத்தில் வருகிறார்.

நிலத்தை விற்பனை செய்யும் புரமோட்டர்கள் இப்பொழுதெல்லாம் வீட்டுமனையை விற்பனை செய்ய கவலையே படுவதில்லை. யாராவது சின்னத்திரை நிகழ்ச்சி தொகுப்பாளினியை சைட்டிற்கு அழைத்துச் சென்று பேச வைத்து நில விற்பனையை எளிதாக்கி விடுகிறார்கள்.

சின்னத்திரை நடிகைகள் மட்டுமல்ல நடிகர்களும் இந்த நில விற்பனை விளம்பரத்தில் மாடலிங் செய்ய தொடங்கிவிட்டனர். நிழல்கள் ரவி, டெல்லிகணேஷ் தொடங்கி ( அவர்களும் சின்னத்திரையில் நடிப்பதால் மக்களுக்கு அதிக அறிமுகம் ஆகியுள்ளவர்கள் தானே) சஞ்சீவ் வரை பலரும் வீட்டுமனை விற்பனை செய்ய தொடங்கிவிட்டனர்.

தேசிய நெடுஞ்சாலை பக்கத்தில் இருக்கும் வீட்டுமனைகளை விற்பனை செய்யும் புரோக்கர்களாக மாறிவரும் சின்னத்திரை நட்சத்திரங்களுக்கு சம்பளமாக அந்த நிலத்தில் இருந்து ஒரு வீட்டுமனை தரப்படுகிறதாம் ( ப்படியா! ரொம்ப நல்ல விஷயமா இருக்கே!)

சன், கலைஞர், புதிய தலைமுறை போன்ற தொலைக்காட்சி நிறுவனங்களைத்தவிர வசந்த், இமயம், விஜய், உள்ளிட்ட தொலைக்காட்சி நிறுவனங்கள் வீட்டுமனை விற்பனை செய்யும் விளம்பரங்களை ஒளிபரப்பத் தொடங்கிவிட்டனர்.

எங்கேயோ கடைக்கோடியில் இருக்கும் நிலத்தை மாயாஜால வார்த்தை பேச்சுக்களின் மூலம் கூவி கூவி விற்பனை செய்கின்றனர்

இது எந்த அளவிற்கு உண்மை என்பதை இங்கு நிலம் வாங்கி குடியேறியவர்கள்தான் கூறவேண்டும்.

SHARE THIS STORY

Nayan Clarifies Her Commitment Dirty Picture Remake

போன வருஷம் முழுவதும் நயன்தாராவுக்கு பெரிதாக படங்கள் இல்லை. அவர் நடித்த ஒரே படம் தெலுங்கு ஸ்ரீராமராஜ்யம்தான்.

ஆனால் இந்த ஆண்டு நயன்தாராதான் டாப் இடத்தில் இருக்கிறார். இந்திப் பட நடிகைகளுக்கு இணையாக கோடிகளில் சம்பளம்.

இந்தியில் பெரும் வெற்றி பெற்ற தங்கள் டர்ட்டி பிக்சர் படத்தை தமிழில் ஏக்தா கபூர் ரீமேக் செய்கிறார். இந்தப் படத்தில் நயன்தாராதான் நடிக்கப் போவதாக செய்திகள் வந்தவண்ணம் உள்ளன.

இந்தப் படத்தில் கவர்ச்சி கொஞ்சம் தூக்கலாக இருக்கும் என்பதால், அதற்காக ரூ 2.5 கோடியை சம்பளமாக நயன்தாராவுக்குத் தர ஏக்தா கபூர் தயாராக இருப்பதாகவும் கூறப்பட்டது.

இதுகுறித்து நயன்தாரா தரப்பில் இதுவரை எதுவும் கூறப்படவில்லை. இப்போது மறுப்பு தெரிவித்துள்ளார்.

"டர்ட்டி பிக்சர் படத்தை நான் பார்த்திருக்கிறேன். எனக்கு ரொம்பப் பிடித்த படம். அதில் நடிக்க எனக்கும் ஆர்வமாக உள்ளது. ஆனால் இதுபற்றி யாரும் என்னிடம் பேசவில்லை என்பதுதான் உண்மை. அதற்குள் எனக்கு எவ்வளவு சம்பளம் என்றெல்லாம் செய்தி வெளியானது எப்படி என்றுதான் தெரியவில்லை," என்றார் நயன்தாரா.

பெரிய படங்களில் நடிகைகள் இப்படித்தான் கமிட் ஆகிறார்கள் போலிருக்கிறது!

SHARE THIS STORY

தமிழ் - மலையாள நடிகை உதயதாரா - ஜூபின் திருமணம் இன்று காலை கொச்சி அருகே உள்ள கிராமத்தில் நடந்தது.

தமிழில் தீ.நகர், மலையன், கண்ணும் கண்ணும், விலை, பயமறியான் போன்ற படங்களில் நடித்தவர் உதயதாரா. சில மலையாள படங்களிலும் நடித்துள்ளார்.

உதயதாராவுக்கும் துபாயில் விமான பைலட்டாக பணியாற்றும் ஜுபின் ஜோசப்புக்கும் சமீபத்தில் கோட்டயத்தில் திருமணம் நிச்சயமானது.

இன்று காலை உதயதாரா-ஜுபின் ஜோசப் திருமணம் உள்ள கொச்சி அருகே உள்ள கிராம சர்ச்சில் நடந்தது.

திருமணத்தில் நடிகர், நடிகைகள் உள்ளிட்ட திரையுலக பிரமுகர்கள் பங்கேற்று வாழ்த்தினார்கள்.

தற்போது கைவசம் இருந்த இரண்டு மலையாள படங்களை முடித்து விட்டார். அடுத்த வாரம் இருவரும் தேனிலவுக்காக வெளிநாடு செல்கின்றனர்.

தேனிலவு முடிந்து திரும்பிய பிறகு, மீண்டும் சினிமாவில் நடிக்கப் போவதாக உதயதாரா அறிவித்துள்ளார்.

SHARE THIS STORY

Cine Artist Kavery Introduced New Serial

பெரிய திரையில் நடித்த நடிகர்களும், நடிகையர்களும் சின்னத்திரையில் நெடுந்தொடர்களில் நடிக்க வருவது வாடிக்கையான ஒன்றுதான் அந்த வரிசையில் சமுத்திரம், காசி, உள்பட பல படங்களில் கதாநாயகியாக நடித்திருக்கும் காவேரி, சன் தொலைக்காட்சியின் தியாகம் தொடர் மூலம் சின்னத் திரையில் கால் பதித்துள்ளார்.

இந்த தொடரில் கதாநாயகியின் அப்பாவாக நடித்துள்ளவர் கன்னடத்தில் நானூறுக்கும் மேற்பட்ட திரைப்படங்களில் கதாநாயகனாக நடித்த ஸ்ரீநாத். அம்மாக்கள் செய்த அழுகை அத்தனையும் இதில் அப்பாவிற்கு கொடுத்துவிட்டார் இயக்குநர். அவருக்கு மனைவியாக சபிதா ஆனந்த் நடித்துள்ளார்.

இரண்டு ஆண் குழந்தைக்கும் ஒரு பெண் குழந்தைக்கும் தந்தையான ஸ்ரீ நாத் தனது மகளின் ( காவேரி) திருமணத்திற்காக எத்தனை சிரமங்களை ஏற்றுக்கொண்டிருக்கிறார் என்பதே கதை.

ஒல்லியாக இருந்த காவேரி இந்த தொடரில் சற்றே பூசின மாதிரி இருக்கிறார். தியாகம் தொடரில் சீக்கிரம் திருமண விருந்து போடுவார்களா என்பது போகப்போகத்தான் தெரியும். இதில் கவுதமி, உதய், துர்கா, சூசன், பிர்லாபோஸ், விஜய் ஆனந்த், கீர்த்தி ஆகியோர் தொடரின் ஏனைய நட்சத்திரங்கள் நடித்துள்ளனர்.

கவிஞர் வைரமுத்து இந்த தொடருக்காக ``தியாகம் என்பது யாகம்..'' என்ற பாடலை எழுதி உள்ளார். தினா இசையமைத்துள்ளார். கதை, திரைக்கதை வசனத்தை குரு எழுதியுள்ளார். ஏ. அப்துல்லா இயக்கியுள்ளார். `தங்கம், வசந்தம், மாமா மாப்ளே..' போன்ற பல வெற்றித் தொடர்களை தயாரித்து வரும் விஷன் டைம் நிறுவனம் இப்போது `தியாகம்' என்ற புதிய தொடரை தயாரித்துள்ளது. தொடருக்கான படப்பிடிப்பு காரைக்குடி, கும்பகோணம், திருச்சி மற்றும் அதனை சுற்றியுள்ள பகுதிகளில் நடைபெற்று வருகிறது.

விஷன் டைம் நிறுவனத்தின் சார்பில் வைதேகி ராமமூர்த்தி இந்த தொடரை தயாரிக்கிறார்.

SHARE THIS STORY

Jaya Tv S Serial Kadambari Heroine Mithna

கருத்தம்மா படத்தில் நடித்த ராஜஸ்ரீயின் தங்கை மிதுனா சின்னத்திரையில் காதம்பரி என்ற நெடுந்தொடரில் அறிமுகமாகியுள்ளார். இதில் அவருக்கு இரட்டை வேடம் முன் ஜென்மம், மறு ஜென்மம் என இரண்டு கதாபாத்திரத்திலும் கலக்கியிருக்கிறாராம் மிதுனா.

நடிகை மிதுனா `மாமதுரை' படத்தில் அறிமுகமானவர். தமிழிலும், தெலுங்கிலும் பல திரைப்படங்களில் நடித்தவர் இப்போது சின்னத்திரையிலும் அடியெடுத்து வைத்திருக்கிறார். சாப்ரன் கிரியேஷன்ஸ் தயாரிக்கும் `காதம்பரி' மெகா தொடரில் இவர்தான் கதையின் நாயகி. பிரபு சங்கர் கதை எழுதி இயக்கும் இந்த தொடரின் படப்பிடிப்பு சென்னையை அடுத்த மணிமங்கலம் பகுதியில் நடைபெற்று வருகிறது. இந்த தொடர் குறித்து மிதுனாவிடம் பேச்சுக்கொடுத்ததில் அவருடைய கதாபாத்திரம் பற்றி கிலாகித்து கூறினார்.

காதம்பரி தொடர் முன்ஜென்மத்தையும், மறு ஜென்மத்தையும் இணைக்கும் தொடர். 200 ஆண்டுகளுக்கு பிறகு மறுஜென்மம் எடுத்து சந்திக்கும் காதம்பரியின் வாழ்க்கை சம்பவம் கொஞ்சம் மிரட்டலாகத்தான் இருக்கிறது.

முன் ஜென்ம வேடத்திற்காக ஜாக்கெட் அணியாமல் சேலை கட்டி, கொண்டை போட்டு, அந்த கால நகைகளை மாட்டிக்கொண்டு நடிப்பது புது அனுபவமாக இருக்கிறதாம் மிதுனாவிற்கு. இந்த தொடருக்கு பிறகு என்னை காதம்பரி என்றே அழைப்பார்கள் என்று பெருமிதத்துடன் கூறியுள்ளார். இதில் காதம்பரிக்கு எதிராக மிரட்டலான பாத்திரத்தில் சுதா சந்திரன் நடித்திருக்கிறார் என்றார் மிதுனா. இவருடன் லஷ்மிராஜ், காயத்ரி, பாலாஜி, செம்புலி ஜெகன், சுந்தரி, சூரி, தேசிங்கு உட்பட பலர் நடித்துள்ளனர்.

SHARE THIS STORY

Amitabh Bachchan Offers Financial Help To Debt Ridden

மும்பை: மகாராஷ்டிரா மாநிலத்தில் உள்ள 114 விவசாயிகளின் கடனை அடைக்க பாலிவுட் நடிகர் அமிதாப் பச்சன் ரூ.30 லட்சத்திற்கான காசோலைகளை வழங்கியுள்ளார்.

மகாராஷ்டிரா மாநிலத்தில் உள்ள ஏராளமான விவசாயிகள் கடன் தொல்லை தாங்க முடியாமல் தற்கொலை செய்து வருகின்றனர். இந்நிலையில் விதர்பா பகுதியில் உள்ள வர்தா மாவட்டத்தில் உள்ள 20 கிராமங்களைச் சேர்ந்த 114 விவசாயிகளின் கடன்களை அடைக்க பாலிவுட் நடிகர் அமிதாப் பச்சன் ரூ.30 லட்சத்திற்கான காசோலைகளை வழங்கினார். வர்தாவில் நடந்த விழாவில் அந்த காசோலைகளை உள்ளூர் எம்.பி. தத்தா மேகே விவசாயிகளிடம் வழங்கினார்.

அந்த விவசாயிகளுக்கு யூனியன் பாங்க் ஆப் இந்தியா, ஸ்டேட் பாங்க் ஆப் இந்தியா மற்றும் வர்தா மாவட்ட கூட்டுறவு வங்கிகள் ஆகியவை கடன் வழங்கியுள்ளன. இந்த காசோலை வழங்கும் விழாவில் 90 விவசாயிகள் கலந்து கொண்டனர். விழாவுக்கு வராத 24 விவசாயிகளுக்கு அவர்களின் வீடுகளுக்கு சென்று காசோலைகள் வழங்கப்பட உள்ளன.

விதர்பா பகுதி விவசாயிகளின் கடன் தொகையை செலுத்த காசோலைகள் வழங்கியது போன்று தங்களுக்கும் வழங்குமாறு உத்தர பிரதேச மாநில பண்டல்கண்ட் விவசாயிகள் அமிதாப் பச்சனுக்கு கடிதம் எழுதியுள்ளனர்.

விதர்பா பகுதியைச் சேர்ந்த ஏராளமான விவசாயிகள் கடன் தொல்லை தாங்க முடியாமல் தற்கொலை செய்து கொண்டுள்ளனர். இந்நேரத்தில் அமிதாப் பச்சன் விவசாயிகளுக்கு பணம் கொடுத்து உதவியது அவர்களுக்கு பெருமகிழ்ச்சியாக உள்ளது. அமிதாபின் இந்த செயலை விதர்பா ஜன் அன்டோலன் சமிதி என்னும் என்.ஜி.ஓ. வரவேற்றுள்ளது.

SHARE THIS STORY

தமிழ் சினிமா நடிகர்களுக்கு பட்டப் பெயர் வைப்பது தமிழ்க் கலாச்சாரத்தின் ஒரு பகுதியாகிவிட்டது.

சூப்பர் ஸ்டார், உலக நாயகன், சுப்ரீம் ஸ்டார் (இப்போ சூப்பர் சுப்ரீம் ஸ்டாராம்!), அல்டிமேட் ஸ்டார், இளையதளபதி என்றெல்லாம் ஏகப்பட்ட அடை மொழிகள் (ஆங்... பவர் ஸ்டாரை சேத்துக்கங்க!)

அந்த வகையில் விஷாலுக்கு வைக்கப்பட்ட அடைமொழி புரட்சித் தளபதி.

சமீபத்தில் ரிலீசாகி, பெட்டிக்குள் போன அவரது படங்கள் அனைத்திலும் இந்த புரட்சித் தளபதி அடைமொழி காணப்பட்டது.

ரசிகர்கள் விருப்பப்பட்டு கொடுத்த பட்டம். அதனால் வைத்துக் கொண்டேன் என தோரணை பட பிரஸ் மீட்டில் கூட விஷால் கூறினார்.

இந்த நிலையில்தான் கடந்த ஆண்டு தனக்கு அல்டிமேட் ஸ்டார் என்ற பட்டம் தேவையில்லை. அஜீத் குமார் என்று குறிப்பிட்டால் போதும் என அறிவித்தார் அஜீத்.

இயக்குனர்கள், தயாரிப்பாளர்களிடமும் படங்களில் அதை பயன்படுத்த வேண்டாம் என்று கூறிவிட்டார். இதையடுத்து வெறும் அஜித் என்ற பெயரே இடம் பெற்று வருகிறது. பட்டத்தைத் துறந்த பிறகு வந்த அவரது மங்காத்தா சூப்பர் ஹிட்டாகிவிட்டது.

இப்போது அஜீத் வழியில் விஷாலும் புரட்சித் தளபதி என்ற பட்டத்தை வேண்டாம் என உதறிவிட்டார்.

தனது அடுத்த படமான சமர் போஸ்டர்கள் விளம்பரங்களில் வெறும் விஷால் என்றே அவர் பெயர் குறிப்பிடப்பட்டுள்ளது.

சென்டிமெண்ட் ஒர்க் அவுட் ஆகுமா? பார்க்கலாம்!

SHARE THIS STORY

பிரபல கவர்ச்சி பாப் பாடகி மடோனாவின் கறுப்பு வெள்ளை நிர்வாணப் படம் ரூ 12 லட்சத்துக்கு ஏலம் போயுள்ளது.

அமெரிக்காவைச் சேர்ந்த பாப் பாடகி, நடிகை மடோனா. இவருக்கு உலகம் முழுவதும் லட்சக்கணக்கான ரசிகர்கள் உள்ளனர். தற்போது செக்ஸ் புக் என்ற ஆல்பம் தயாரித்துள்ளார். அதிலிருந்து தனது ஒரு நிர்வாண போட்டோவை நியூயார்க்கில் உள்ள ஒரு நிறுவனம் மூலம் ஏலம் விட்டார்.

அந்த போட்டோ ரூ.12 லட்சத்துக்கு ஏலம் போனது. அதை விலைக்கு வாங்கியவர் யார்? என்ற விவரங்கள் வெளியிடப்படவில்லை. அதிக விலைக்கு ஏலம் போன இந்த போட்டோ கடந்த 1990-ம் ஆண்டில் அவர் 30 களில் உச்சத்தில் இருந்தபோது எடுக்கப்பட்டது. கருப்பு, வெள்ளையில் எடுக்கப்பட்ட இந்த போட்டோவில் ஒட்டுத்துணி கூட இல்லாமல் மடோனா படு கவர்ச்சியாக உள்ளார்.

படுக்கையில் படுத்து சிகரெட் பிடித்தபடி போட்டோவுக்கு போஸ் கொடுத்துள்ளார். இந்த போட்டோ 55 செ.மீட்டர் உயரமும் 48.செ.மீட்டர் அகலமும் கொண்டது.

இதை போட்டோ கிராபர் ஸ்டீவன் மிசெல் எடுத்துள்ளார். மடோனாவின் செக்ஸ் புக் ஆல்ப புகைப்படக்காரர் இவர்தான்.

SHARE THIS STORY

ஆஹா என்ன ருசி சமையல் நிகழ்ச்சியில் வரும் வாரம் முதல் புதிய பகுதி அறிமுகம் செய்யப்படுகிறது. ஊட்டச்சத்துள்ள உணவுகளைப் பற்றி நேரடி செயல்முறை விளக்கமும், அந்த உணவுகளின் நன்மைகள் குறித்து மருத்துவர் ஒருவர் நேரடி விளக்கமளிக்க இருக்கிறார்.

சமையல் நிகழ்ச்சி என்றாலே அது ஸ்டுடியோவில்தான் என்ற ட்ரெண்ட்டை மாற்றியவர் செஃப் ஜேக்கப். சன் டிவியில் ஒளிபரப்பாகும் ஆஹா என்ன ருசி சமையல் நிகழ்ச்சியின் சிறப்பம்சமே அவுட்டோரில் சமையல் செய்வதுதான்.

வெண்டைக்காய், கத்தரிக்காய், மக்காச்சோளம் என எந்த பொருளை சமைத்தாலும் காய்கறித் தோட்டங்களில் இருந்து புதிதாக பறித்து சமைப்பது ஜேக்கப்பின் ஸ்பெசல். சனிக்கிழமை மதியம் ஒரு மணிக்கு ஒளிபரப்பாகும் இந்த நிகழ்ச்சியில் சிறுவர்களுக்கும் சமைக்கும் ஆர்வத்தை தூண்டும் வகையில் சிறுவர்களுக்கும் சமைக்க கற்றும் தருகிறார் சமையல் கலை நிபுணர் ஜேக்கப்.

இவரது நிகழ்ச்சிக்கான முன்னோட்டமே அதை பார்க்க தூண்டும் வகையில் அமைந்திருக்கும். வரும் வாரம் கொட்டும் மழையில் அசைவ உணவு செய்து காண்பிக்க இருக்கிறார். சமையல் ஆர்வலர்கள் பார்த்து ரசிக்கலாம்.

SHARE THIS STORY

Vanitha Fights With Her 2nd Husband For Daughter

நடிகை வனிதா விஜயகுமார் இப்போது தனது அடுத்த சண்டையை ஆரம்பித்துள்ளார். இந்த முறை இரண்டாவது கணவர் ஆனந்த ராஜனுடன்!

வனிதாவுக்கும் நடிகர் ஆகாஷூக்கும் முதலில் திருமணம் நடந்தது. இவர்களுக்கு ஸ்ரீஹரி என்ற மகனும் ஒரு பெண் குழந்தையும் உள்ளனர்.

பின்னர் ஆகாஷூகும் வனிதாவுக்கும் கருத்து வேறுபாடு ஏற்பட்டு பிரிந்து, விவாகரத்து பெற்றனர். ஆனந்தராஜ் என்பவரை வனிதா இரண்டாவது திருமணம் செய்துகொண்டார். இவர்களுக்கு ஜெய் நிதா என்ற பெண் குழந்தை பிறந்தது.

வனிதாவுக்கும் முதல் கணவர் ஆகாஷூக்கும் பிறந்த குழந்தை ஸ்ரீஹரியை யார் வைத்துக் கொள்வது என்பதில் தகராறு ஏற்பட்டது. இருவரும் நீதிமன்றம் சென்றனர். தாயாருடன்தான் அந்த சிறுவன் இருக்க வேண்டும் என நீதிமன்றம் தீர்ப்பளித்தாலும், தந்தையுடன்தான் இருப்பேன் என்று அந்தப் பையன் அடம் பிடித்ததால் வழக்கில் திருப்பம் ஏற்பட்டது.

மகனுக்காக ஆனந்தராஜை பிரிந்தார். மீண்டும் முதல் கணவர் ஆகாஷூடனேயே சேர்ந்து விட்டார் வனிதா. இருவரும் சேத்துப்பட்டில் உள்ள வீட்டில் ஒன்றாக வசிக்கின்றனர். ஆனந்தராஜுக்குப் பிறந்த ஜெய் நிதாவையும் தன்னுடனே வைத்திருந்தார் வனிதா.

இதற்கிடையில் ஆனந்தராஜ் நேற்று நள்ளிரவு வனிதா வீட்டில் புகுந்து தனது மகள் ஜெய் நிதாவை அழைத்துச் சென்று விட்டதாக கூறப்படுகிறது. மகளை காணாமல் வனிதா திடுக்கிட்டார். பிறகு ஆனந்தராஜ் வீட்டில் இருப்பது அவருக்கு தெரிய வந்தது.

உடனேயே அவர் வீட்டுக்கு சென்று மகளை தன்னிடம் ஒப்படைக்க வேண்டும் என்று வற்புறுத்தினார். ஆனால் ஆனந்தராஜ் கொடுக்க மறுத்தார். மகளை கவனிக்காமல் ஒதுக்குவதாக வனிதா மேல் அவர் குற்றம்சாட்டியதாக கூறப்படுகிறது.

ஆனாலும் வனிதா அங்கிருந்து போகாமல் ஆனந்தராஜ் வீட்டுக் கதவை தட்டி நீண்ட நேரம் ரகளை செய்ததாக கூறப்படுறது. அக்கம் பக்கத்தினர் திரண்டு தகராறை வேடிக்கை பார்த்தார்கள்.

அடுத்து ஒருவர் மீது ஒருவர் புகார் கொடுக்கத் தயாராகி வருகிறார்கள். நீதிமன்றம் செல்லவும் முடிவு செய்துள்ளனர்.