காந்தி பிறந்த நாளில் மோதப் போகும் நண்பர்கள் தனுஷ்- சிவகார்த்தி!!

நிச்சயம் இப்படி ஒரு நிலை வரும் என்று சிவகார்த்திகேயன் நினைத்திருப்பாரோ இல்லையோ, நிச்சயம் தனுஷ் எதிர்ப்பார்த்திருப்பார்.

சினிமாவில் அவர் வாய்ப்புக் கொடுத்து வளர்த்துவிட்ட சிவகார்த்திகேயன் படம், இப்போது அவரது படத்துடனே மோதவிருக்கிறது.

வரும் காந்தி ஜெயந்தியன்று வெளியாகவிருக்கும் தனுஷின் விஐபி 2 படத்துக்கு மெயின் போட்டியே சிவகார்த்திகேயனின் ரஜினிமுருகன்தானாம்.

வேலையில்லா பட்டதாரி 2 விறுவிறுவென தயாராகிவிட்டது. ஆனால் எப்போதோ தயாராகிவிட்ட ரஜினிமுருகன், வெளியாவது தள்ளித் தள்ளிப் போய்க் கொண்டிருக்கிறது. முதலில் இந்தப் படம் மே இறுதியில் வெளியாகும் என்றார்கள். அடுத்து ஜூன், ஜூலை என தள்ளிப் போனது. ஜூலையில் வெளியான மாரியுடன் ரஜினிமுருகன் மோதும் என்றனர்.

இப்போது அந்த மோதல் தள்ளிப் போடப்பட்டுள்ளது. அக்டோபர் 2-ம் தேதி வெளியாகும் வேலையில்லா பட்டதாரி 2 படத்துடன் ரஜினிமுருகன் மோதுகிறது!

Read more »

பிரச்சினையை தெளிவுபடுத்திட்டீங்க.. நன்றி டிஆர்!- உதயநிதி

வாலு பட விவகாரத்தில் உண்மை நிலையைத் தெளிவுபடுத்தியதற்காக டி ராஜேந்தருக்கு நன்றி என உதயநிதி ட்விட்டரில் தெரிவித்துள்ளார்.

Vaalu (U): இப்போதே உங்கள் டிக்கெட்டை புக்செய்யுங்கள்!

வாலு படம் ஆகஸ்ட் 14 அன்று வெளிவருவது தொடர்பாக இன்று செய்தியாளர்களைச் சந்தித்தார் டி. ராஜேந்தர். அப்போது அவரிடம் வாலு - உதயநிதி ஸ்டாலின் சர்ச்சை குறித்து கேள்வி கேட்கப்பட்டது.

அதற்குப் பதிலளித்த அவர், "நான் யாரையும் குற்றம் சொல்லமாட்டேன். அதிகப் படங்களை வெளியிடும் விநியோகஸ்தர்களுக்குத்தான் திரையரங்குகள் ஒதுக்கப்படும். அதனால் தான் அந்தப் படத்துக்கு (வாசுவும் சரவணனும் ஒண்ணா படிச்சவங்க) அதிக திரையரங்குகள் கிடைத்துள்ளன. அவர்களைக் குறை சொல்ல மாட்டேன். ரிலீஸ் தேதியே தெரியாத எங்க படத்துக்கு எப்படி அதிக தியேட்டர் ஒதுக்குவாங்க... இருந்தாலும் எங்களுக்காக சிலர் காத்திருந்து தியேட்டர் தந்திருக்காங்க. அவர்களுக்கு நன்றி," என்றார்.

இதற்கு நன்றி தெரிவித்து உதயநிதி ட்வீட் செய்துள்ளார்.

அதில் அவர், "நான் எப்போதும் டி.ஆர் சாரை மதிப்பேன். பிரச்னையைத் தெளிவுபடுத்தியதற்காக நன்றி," என்று குறிப்பிட்டுள்ளார்.

Read more »

ஒரு காக்காவும், பட்டுப் போன மரமும்.. அதுதான் கா கா கா

சென்னை: நடிகர் அசோக், சுருதி ராமகிருஷ்ணன் மற்றும் மகேஸ்வரி ( அறிமுகம்) ஆகியோரின் நடிப்பில் விரைவில் வெளியாகவிருக்கும் திரைப்படம் கா கா கா. இயக்குநர் வெற்றிமாறனின் உதவியாளர் மனோன் இப்படத்தின் மூலம் இயக்குனராக அறிமுகமாகியிருக்கிறார்.

கோழி கூவுது படத்தில் அறிமுகமாகி அரை டஜன் படங்களிற்கு மேல் நடித்து முடித்து விட்டாலும், இன்னமும் தமிழ் சினிமாவில் ஒரு நிலையான இடத்தைப் பிடிக்க முடியாமல் தடுமாறுகிறார் நடிகர் அசோக்.

விரைவில் வெளியாகவிருக்கும் கா கா கா திரைப்படத்தை அசோக் மிகவும் எதிர்பார்க்கிறார், இந்நிலையில் படத்தின் கதை என்ன என்று இயக்குநர் மனோனிடம் கேட்டபோது ‘‘ஹாரர், த்ரில்லர் படங்களின் வரிசையில் இப்படம் முற்றிலும் மாறுபட்ட கதை அமைப்பில் உருவாகியுள்ளது.

படத்தில் ஒரு காக்காவும், பட்டுப்போன ஒரு மரமும் முக்கிய பங்கு வகிக்கிறது. இதையெல்லாம் கிராஃபிக்சில் உருவாக்கலாம் என்று நினைத்திருந்த எங்களுக்கு யதேச்சையாக பட்டுப்போன ஒரு மரம் கிடைத்தது.

அதை கிரேன் மூலம் வேரோடு பிடுங்கி வந்து படப்பிடிப்பு தளத்தில் நட்டு படப்பிடிப்பை நடத்தினோம். இதுபோன்று இப்படத்தின் படப்பிடிப்பு நடக்கும்போது அந்த வீட்டில் சில அமானுஷ்ய சம்பவங்களும் நடந்தது.

இதுபோன்ற பல சுவாரசியமான சம்பவங்களுடன் உருவாகியுள்ளது ‘கா கா கா' படம், இப்படம் ரசிகர்களுக்கு வித்தியாசமான ஒரு படமாக அமையும்'' என்றார்.

காக்கா பிடித்தே காரியம் சாதிக்க நினைபவர்கள் மிகவும் ஆபத்தானவர்கள் அவர்களிடம் மிகவும் எச்சரிக்கையாக நடக்க வேண்டும் என்ற கருத்தை காதல் + காமெடி கலந்து சொல்லுவது தான் கா கா கா படத்தின் கதையாம்.

ஹாரர்+ திகில் மற்றும் அமானுஷ்யம் கலந்து எடுக்கப்பட்டிருக்கும் கா கா கா திரைப்படத்தை கிரண் பதிகொண்டா தயாரிக்க அம்ரித் இசையமைத்து இருக்கிறார். விரைவில் உங்கள் அபிமான வெள்ளித்திரைகளில் கா கா கா...

Read more »

கோ 2 படத்தில்... அப்துல் கலாமின் 'உன்னை மாற்றினால்'!

சென்னை: ஆர்.எஸ்.இன்போடேயின்மென்ட் நிறுவனம் தற்போது ஒரே நேரத்தில் 3 படங்களைத் தயாரித்து வருகிறது, 3 படங்களிலும் நாயகனாக பாபி சிம்ஹா நடித்து வருகிறார். 3 படங்களில் கோ 2 படத்தின் சிங்கிள் டிராக் ஆகஸ்ட் 15 ம் தேதியில் வெளியாகிறது.

இந்தப் பாடலை மறைந்த மக்களின் ஜனாதிபதி அப்துல்கலாம் அவர்களுக்கு மரியாதை செலுத்தும் விதமாக அப்துல்கலாமின் வார்த்தைகளைக் கொண்டே, உருவாக்கியிருக்கிறார் பாடலாசிரியர் நா.முத்துக்குமார்.

கோ 2 படத்தின் டைட்டில் பாடலாக உருவாகியிருக்கும் இந்தப் பாடல் உன்னை மாற்றினால் என்று தொடங்குகிறது, டைட்டில் பாடல் மட்டுமல்லாது முழுப் படத்திற்குமான பின்னணி இசையாகவும் இந்தப் பாடலின் இசையானது இடம்பெறுகிறது.

கோ 2 படத்திற்கு இசையமைத்து இருக்கிறார் இசையமைப்பாளர் லியோன் ஜேம்ஸ். பாடகர் சிவராமகிருஷ்ணன் பாடியிருக்கும் இந்தப் பாடல் ஆகம் பேன்ட்(Agam Band) என்ற முறையில் இசையமைக்கப் பட்டிருக்கிறது.

பாபி சிம்ஹா, நிக்கி கல்ராணி மற்றும் பிரகாஷ் ராஜ் நடிப்பில் வளர்ந்து வரும் கோ 2 படத்தின் படப்பிடிப்பு விரைவில் முடிவடைய இருக்கிறது.

படத்தில் இடம்பெறும் இந்தப் பாடலிற்கும் படத்திற்கும் துளியும் சம்பந்தமில்லை என்றாலும் அப்துல்கலாம் அவர்களுக்கு மரியாதை செலுத்தும் விதமாக இந்தப் பாடலை உருவாக்கி இருக்கின்றனர் இயக்குநர் சரத் உள்ளிட்ட படப்பிடிப்புக் குழுவினர்.

Read more »

வரிசையாக தோல்விப் படங்கள்.. சற்றும் டல்லடிக்காத "பிரகாசம்"

சென்னை: தமிழில் முன்னணி நடிகராகத் திகழ்ந்த அந்த வாரிசு நடிகரின் மார்க்கெட் தற்போது தாறுமாறாகத் தடுமாறிக் கொண்டிருக்கிறது, நடிகர் நடித்து அடுத்தடுத்து வெளிவந்த 2 படங்களும் மண்ணைக் கவ்வியதில் நடிகர் மிகவும் மனமுடைந்து போய்விட்டார்.

விளைவு தற்போது நலமான படத்தை இயக்கிய இயக்குனருடன் இணைந்து தனது நம்பர் படத்தை செதுக்கிக் கொண்டிருக்கிறார், இந்தப் படமும் வெற்றி பெறவில்லையெனில் மீளுவது கடினம் என்ற காரணத்தால் பார்த்துப் பார்த்து படத்தை உருவாக்கி வருகிறார் படத்தை சொந்த செலவிலேயே தயாரித்து வரும் நடிகர்.

அஞ்சாத நடிகையுடன் மீண்டும் இணைந்து நடித்து வரும் இந்தப் படத்திற்கு தெலுங்கிலும் நல்ல வரவேற்பு இருப்பதால், தெலுங்கு மொழியிலும் படம் உருவாகி வருகிறது. இந்நிலையில் நம்பர் படத்தின் தெலுங்கு உரிமை சுமார் 20 கோடிக்கு விலைபோயிருக்கிறது.

அடுத்தடுத்து தோல்விப் படங்கள் கொடுத்தாலும் கூட படத்தின் தெலுங்கு உரிமை அதிக விலைக்கு போனதில் தற்போது மிகவும் சந்தோஷத்துடன் இருக்கிறார் பிரகாச நடிகர். நம்பர் படம் இந்த அளவிற்கு விலை போனதை அறிந்து தமிழ்த் திரையுலகினர் ஆச்சரியம் அடைந்துள்ளனர்.

நடிகரின் திரைப்பயணத்தில் அதிக விலைக்கு விற்றுப் போன படம் இதுதானாம்...

Read more »

ம்க்கும்: பூ நடிகையை பார்த்தால் முகத்தை திருப்பும் புஸு புஸு நடிகை

சென்னை: பெரிய வீட்டு படத்தில் தனக்கு முக்கியத்துவம் குறைவாக உள்ளதால் புஸு புஸு நடிகை சுந்தரமான இயக்குனரின் பூ மனைவியுடன் பேசுவதை நிறுத்துவிட்டாராம்.

புஸு புஸு நடிகை சுந்தரமான இயக்குனரின் பெரிய வீடு படத்தில் நடித்தார். படம் சூப்பர் ஹிட்டானதையடுத்து இரண்டாம் பாகத்தை எடுத்து வருகிறார் இயக்குனர். இரண்டாம் பாகத்தில் புஸு புஸு நடிகையுடன் சின்ன நம்பர் நடிகையும் உள்ளார்.

படத்தில் புஸு புஸுக்கு பேய் கதாபாத்திரமாம். அனைவரையும் கவர்ந்திழுக்கும் அழகான கதாபாத்திரத்தை சின்ன நம்பர் நடிகைக்கு கொடுத்துவிட்டாராம் இயக்குனர். இதனால் புஸு புஸு நடிகை கோபத்தில் உள்ளாராம்.

இந்த கோபத்தில் இயக்குனரின் பூ நடிகை மனைவியுடன் பேசுவதை கூட புஸு புஸு நடிகை நிறுத்திவிட்டாராம். நான் என்னம்மா செய்வேன், என் கணவர் தான் படத்தை இயக்குகிறார் என்று இயக்குனரின் மனைவி கூறியும் அதை அவர் காதில் வாங்கவில்லையாம்.

கதாபாத்திரம் காரணமாக சின்ன நம்பர் நடிகையுடனும் புஸு புஸு நடிகை பேசுவது இல்லையாம்.

Read more »

வாலு ரிலீஸ் உறுதியானதும் சிம்புவை வாழ்த்திய ரஜினி!

வாலு படம் எப்படி இருக்கிறது என யாருக்குமே ஐடியா இல்லை. ஆனால் போகிற போக்கைப் பார்த்தால், அந்தப் படத்தை ஒரு வாட்டி பார்த்துட்டு வரலாமே என்ற எண்ணத்தை மக்களிடம் ஏற்படுத்தாமல் விடமாட்டார்கள் போலிருக்கிறது.

படம் வெளியாக இன்னும் இரண்டு தினங்கள் உள்ளன. நேற்றுதான் படம் ஆகஸ்ட் 14-ம் தேதி கண்டிப்பாக ரிலீஸ் என்பது உறுதியானது.

இந்த செய்தி காதுக்கு எட்டியதும் சிம்புவுக்கு முதல் வாழ்த்து சொன்னவர் யார் தெரியுமா? ரஜினிகாந்த்-தான்.

தன்னை ரஜினி ரசிகன் என்று அவ்வப்போது சிம்பு கூறினாலும், லிட்டில் சூப்பர் ஸ்டாராக இருந்து யங் சூப்பர் ஸ்டார் என்று பட்டம் சூட்டிக் கொண்ட சிம்புவை சந்தேக லிஸ்டில்தான் வைத்திருக்கிறார்கள் ரஜினி ரசிகர்கள் என்பது குறிப்பிடத்தக்கது.

இந்த நிலையில் தங்கள் தலைவர் சிம்புவை வாழ்த்தியிருப்பதால் வாலுவை ஆதரிப்பதா, 'வாளாவிருப்பதா' என்ற குழப்பத்தில் உள்ளனர் ரசிகர்கள்.

'எல்லோரையும் வாழ்த்துவது தலைவர் வழக்கம். யாரை ஆதரிப்பது என்பதை நாம தீர்மானிச்சா போதும்,' என்று சமூக வலைத்தளங்களில் பதிவிட்டு வருகின்றனர் ரசிகர்கள்!

Read more »

காதல் குழம்பு வைக்க தெரியுமா? இதோ ரெஸிபி

காரக் குழம்பு தெரியும், கறிக்குழம்பு தெரியும் இதென்ன காதல் குழம்பு என்று கேட்கிறீர்களா? இப்படி ஒரு குழம்பு இருக்கிறது என்று ஜீ தமிழ்

தொலைக்காட்சியின் வருத்தப்படாத வாலிபர் சங்கம் நிகழ்ச்சியில் கூறியுள்ளார் ஒரு பெண்.

குமட்டல் சமையல் நிகழ்ச்சியில் அபிநயா சொன்ன காதல் குழம்புதான் சமூக வலைத்தளங்களில் ஹிட். எப்படி செய்யணும்னு தெரிஞ்சுக்கங்க. உங்களுக்கு யூஸ் ஆகும்.

தேவையான பொருட்கள்

வீணா போன பிகரு, 2 சிம்கார்டு, ரீசார்ஜ் கூப்பன் தேவைக்கேற்ப, பழைய புத்தகங்களில் இருந்து சில கவிதைகள், கடலை தேவைக்கேற்ப, ஜொள்ளு கால் லிட்டர்.

செய்முறை

முதலில் கடாயை நல்லா காய வைக்கிற மாதிரி காதலனை நல்லா காயவைங்க. அப்பத்தான் காதல் சுறுசுறுப்பா சூடு பிடிக்கும். கடாயில் கால் லிட்டர் ஜொள் ஊற்றுங்கள். அதில் உடனே 2 சிம் கார்டு போடுங்க. ரீசார்ஜ் உடன் கூடிய சிம்கார்டுதான் போடணும். ரீசார்ஜ் போடாமல் சிம் போட்டா காதல் குழம்பு கெட்டுப்போயிரும். ரேட் கட்டரும் போடணும். லைப் டைம் கார்டுல போட்டா 2 அல்லது 3 மாதம் வரைக்கும் தாக்கு பிடிக்கும்.

சிம் கார்டு போட்ட அடுத்த செகண்டே கடலை போட ஆரம்பிச்சிடணும். கடலை வெந்துட்டு இருக்கும் போது மொக்கை கவிதை எல்லாம் போடணும். அப்பத்தான் காதல் குழம்பு சுவையா இருக்கும். காதல் குழம்பு ரெடி...

இந்த வாரம் காதல் குழம்பு வைக்கிறது பத்தி தெரிஞ்சுக்கிட்டீங்க... அடுத்த வாரம் கள்ளக்காதல் குழம்பு வைப்பது எப்படி என்று தெரிஞ்சுக்கலாம்.

காதலுக்கும் கள்ளக்காதலுக்கும் என்ன வித்தியாசம்னு கேட்கறீங்களா? போயிட்டு வாங்க அப்படின்னு சொன்னா அது காதல்...போயிட்டாரு வாங்கன்னு

சொன்னா அது கள்ளக்காதல் என்று சொன்னாரே ஒரு விளக்கம்...

என்னம்மா இப்படி பண்றீங்களேம்மா....

Read more »

சமையல் தாமுவின் "உள்குத்து"!

சின்னத்திரையில் சமையல் நிகழ்ச்சிகள் நடத்தும் தாமு சினிமாவில் நடிக்க வந்து விட்டார். உள் குத்து படம் மூலம் காமெடி நடிகராக அறிமுகமாகிறாராம் தாமு.

சின்னத்திரையில் இருந்து சந்தானம், சிவகார்த்திக்கேயன்,

திவ்யதர்ஷினி, தீபக் என தொகுப்பாளர்கள் மட்டுமே நடிக்க வந்தனர். பட்டிமன்றம் மூலம் பிரபலமான பேராசிரியர்கள் சாலமன் பாப்பையா, ராஜா ஆகியோரும் சங்கர் படம் மூலம் நடிக்க வந்தனர். இப்போது சமையல் கல்லூரி பேராசிரியர் தாமுவும் சினிமாவில் நடிக்க வந்துவிட்டார்.

சினிமாவில் நடிக்க வந்த பறவை முனியம்மா சின்னத்திரையில் சமையல் நிகழ்ச்சி செய்தார். ஜெயா டிவியில் சமையல் நிகழ்ச்சி செய்த செஃப் தாமு, விஜய் டிவியில் சமையல் நிகழ்ச்சியின் நடுவராகவும் வந்து சாப்பிட்டு மார்க் போடுகிறார் இப்போது உள்குத்து திரைப்படத்தில் காமெடி நடிகராக களம் இறங்கிவிட்டார் தாமு.

இவர் ஏற்கனவே தண்ணியில கண்டம் படத்தில் நடித்திருந்தாலும் உள்குத்து படத்தில்தான் படம் முழுக்க வருகிறாராம். உள்குத்து படத்தில் அட்டகத்தி தினேஷ், நந்திதா, மொட்டை ராஜேந்திரன் உள்ளிட்ட பலரும் நடிக்கின்றன. மீனவர்கள் வாழ்வை மையப்படுத்தி எடுக்கப்பட்டுள்ள இந்தப்படத்தை கார்த்திக் ராஜூ இயக்குகிறார்.

சமையல்தாமுவின் உள்குத்து எப்படி இருக்கும்? பார்த்து தெரிஞ்சுக்கலாம்.

Read more »