சென்னை: சிகரம் தொடு படத்தில் நகைச்சுவை நடிகர் சதிஷ் பெண்களை பேய், பிசாசு என்று நக்கல் அடித்துள்ளார்.
யுடிவி மோஷன் பிக்சர்ஸ் தயாரிப்பில் கௌரவ் நாராயணன் இயக்கத்தில் உருவாகியுள்ள படம் சிகரம் தொடு. விக்ரம் பிரபு, மோனால் கஜ்ஜார், சத்யராஜ், சதிஷ், கோவை மகேஷ் உள்ளிட்டோர் நடித்துள்ளனர்.
படத்தின் இசை வெளியீட்டு விழா அண்மையில் சென்னையில் பிரமாண்டமாக நடைபெற்றது. படத்தில் சதிஷ் காமெடியாக ஒரு வசனத்தை பேசுகிறாராம். அதாவது ஆண்கள் ஏன் பெண்களை பேபி என்று அழைக்கிறார்கள் தெரியுமா என்று கேட்கும் சதிஷ் அதற்கான விளக்கத்தையும் அளித்துள்ளார்.
'பே' என்றால் பேய், 'பி' என்றால் பிசாசு. ஆக பேபி என்றால் பேய் பிசாசு என்று அவர் காமெடியாக ஒரு விளக்கத்தை அளித்துள்ளார். ஆனால் இது பெண்களை கிண்டலடிக்கும் வகையில் உள்ளது என்று பலர் நினைக்கிறார்கள்.
இது தவிர படத்தில் ஆங்காங்கே பல நக்கல் வசனங்கள் உள்ளது என்று செய்திகள் வெளியாகியுள்ளன.
