இன்று பெங்களூரில் என்ன செய்கிறார் ரஜினி?

பெங்களூர்: சூப்பர் ரஜினிகாந்த் இன்று பெங்களூரில் உள்ளது தான் பரபரப்பாக பேசப்படுகிறது.

லிங்கா படத்தில் நடித்து வரும் ரஜினிகாந்த் இன்று பெங்களூரில் உள்ளார். லிங்கா படப்பிடிப்புக்காக அல்ல கன்னட பட வேலையாக வந்துள்ளார். அரு, ஐஸ்வர்யா நாக் நடித்துள்ள கன்னட படமான முட்டு மனசே படத்தின் இசை வெளியீட்டு விழா இன்று மாலை பெங்களூரில் நடைபெறுகிறது.

விழாவில் கலந்து கொண்டு இசையை வெளியிடப் போவதே ரஜினி தான். படத்தின் ஹீரோ ரஜினியின் தீவிர ரசிகராம். முன்னதாக கடந்த சில வாரங்களுக்கு முன்பு அவர் ரஜினியை சந்தித்து ஆசி பெற்றதுடன், அவருடன் புகைப்படமும் எடுத்துக் கொண்டார்.

இதே பெங்களூரில் தனது இளம் வயதில் கண்டக்டராக இருந்தவர் சூப்பர் ஸ்டார் ரஜினிகாந்த். லிங்கா படத்தில் வரும் அறிமுக பாடலை படமாக்க படக்குழு ஹாங்காங் செல்கிறது என்பது குறிப்பிடத்தக்கது.

Read more »

தீபாவளி ஸ்பெஷல்: கத்திக்கு க்ளீன் யு... பூஜைக்கு யுஏ!

விஜய் - சமந்தா நடித்த கத்தி படத்துக்கு யு சான்றும், விஷால் - ஸ்ருதி நடித்த பூஜை படத்துக்கு யு ஏ சான்றும் தணிக்கைக் குழுவில் கிடைத்துள்ளது.

ஏ ஆர் முருகதாஸ் இயக்கத்தில், லைகா நிறுவனம் தயாரித்துள்ள கத்தி படம் தீபாவளியன்று வெளியாகிறது. இந்தப் படம் நேற்று முன்தினம் தணிக்கைக்கு அனுப்பப்பட்டது.

படம் பார்த்த தணிக்கைக் குழுவினர் எந்த கட்டும் இல்லாமல் க்ளீன் யு சான்று தந்துள்ளனர். இது படக்குழுவினரை மகிழ்ச்சியில் ஆழ்த்தியுள்ளது.

படத்தை அக்டோபர் 22-ம் தேதி தீபாவளி ஸ்பெஷலாக வெளியிடுவதாக லைகா நிறுவனம் அறிவித்துள்ளது.

பூஜைக்கு யுஏ

ஹரி இயக்கத்தில் விஷால் - சமந்தா நடிப்பில் தீபாவளிக்கு வரும் மற்றொரு படமான பூஜைக்கு யுஏ சான்று அளிக்கப்பட்டுள்ளது. இந்தப் படத்தில் ஆக்ஷன் காட்சிகள் காரணமாக இப்படி சான்றளிக்கப்பட்டதாகத் தெரிகிறது.

யுஏவை ஏற்பதா அல்லது மறுபரிசீலனைக்கு அனுப்புவதா என்பது குறித்து இன்று முடிவு செய்கிறார்கள் விஷாலும் ஹரியும்.

இந்தப் படமும் திட்டமிட்டபடி அக்டோபர் 22-ம் தேதி வெளியாகிறது.

Read more »

சின்னத் திரை நடிகர்கள் சங்கத் தலைவராக நளினி தேர்வு

சின்னத் திரை நடிகர்கள் சங்கத் தலைவராக நடிகை நளினி தேர்வு செய்யப்பட்டார்.

சின்னத்திரை நடிகர்கள் சங்கத்தின் புதிய நிர்வாகிகளைத் தேர்வு செய்வதற்கான தேர்தல் சென்னையில் ஞாயிற்றுக்கிழமை நடைபெற்றது. இந்தத் தேர்தலில் நடிகை நளினி, நடிகர்கள் ராஜேந்திரன், சிவசீனிவாசன் ஆகியோர் தலைமையில் மூன்று அணிகள் போட்டியிட்டன.

ஞாயிற்றுக்கிழமை காலை 9 மணிக்கு தொடங்கிய வாக்குப் பதிவு மாலை 5 மணி வரை நடைபெற்றது. தேர்தல் அதிகாரியாக திரைப்பட வசனகர்த்தா லியாஸ் அலிகான் செயல்பட்டார். மொத்தமுள்ள 1,300 வாக்குகளில் 700-க்கும் அதிகான வாக்குகள் பதிவாகின.

மாலை 6 மணிக்கு வாக்கு எண்ணிக்கை தொடங்கியது. 8 சுற்றுகள் கொண்ட வாக்குப் எண்ணிக்கையின் தொடக்கம் முதலே நடிகை நளினி முன்னிலையில் இருந்தார். இறுதியில் 273 வாக்குள் பெற்று நடிகை நளினி வெற்றி பெற்றார்.

துணைத் தலைவர், செயலாளர், செயற்குழு உறுப்பினர் உள்ளிட்ட நிர்வாகிகளுக்கான வாக்கு எண்ணிக்கை இன்று திங்கள்கிழமை (அக். 13) நடைபெறும் எனத் தெரிவிக்கப்பட்டுள்ளது.

Read more »

உதவி இயக்குநர் படுகாயம்... முழு செலவையும் ஏற்று, அருகிலிருந்து கவனிக்கும் லிங்குசாமி!

நான்தான் சிவா படத்தின் ஷூட்டிங்கில் படுகாயமடைந்த உதவி இயக்குநர் பாஸ்கரை நேரில் பார்த்து நலம் விசாரித்த இயக்குநர் லிங்குசாமி, அவருக்கான முழுச் செலவையும் தானே ஏற்றுக் கொண்டார்.

ரேணிகுண்டா, 18 வயசு படங்களை இயக்கிய பன்னீர் செல்வம் இயக்கத்தில் வளரும் படம் நான்தான் சிவா.

இந்தப் படத்தில் லிங்குசாமியின் அண்ணன் மகன் வினோத் நாயகனாக அறிமுகமாகிறார். அவருக்கு ஜோடியாக நடிக்கிறார் அர்ஷிதா ஷெட்டி. திருப்பதி பிரதர்ஸ் நிறுவனம் படத்தைத் தயாரிக்கிறது.

இந்தப் படத்தின் படப்பிடிப்பு முடிவடைந்து விட்டது. படப்பிடிப்பின் இறுதிக் கட்டத்தில் 20 அடி உயரத்திலிருந்து உதவி இயக்குநர் பாஸ்கர் தவறி விழுந்தார். இதில் அவரது கை கால்களில் பலத்த எலும்பு முறிவு ஏற்பட்டது. அவரை மருத்துவமனையில் சேர்த்தனர்.

இதைக் கேள்விப்பட்டதும் மருத்துவமனைக்கு விரைந்தார் இயக்குநர் லிங்குசாமி. உதவி இயக்குநர் பாஸ்கரை நலம் விசாரித்த அவர், அவரது சிகிச்சைக்குத் தேவையான மொத்த செலவையும் ஏற்றதோடு, குடும்பத்தினருக்கும் உதவுவதாக ஆறுதல் கூறினார்.

அஞ்சான் பிரச்சினை, சமூக வலைத்தளங்களில் விமர்சனங்கள் என பல்வேறு பிரச்சினைகள் தன்னைச் சூழ்ந்திருந்தாலும், மனிதாபிமானத்துடன் ஒரு உதவி இயக்குநருக்கு அவர் செய்திருக்கும் பெரும் உதவியை நினைத்து நான்தான் சிவா குழுவே நெகிழ்கிறது.

Read more »