சென்னை: ஆர்யா, நடிகைளை எப்படி பிக்கப் பண்றார், எங்கு டிராப் பண்றார்னே தெரியவில்லை என்று நடிகர், இயக்குநர் பார்த்திபன் கலாய்க்க, பட விழாவே பயங்க சிரிப்பொலியில் மூழ்கிப் போனது.
டிவி நடிகராகவும், சினிமாவில் சின்னச் சின்னதாக தலையைக் காட்டியவருமான விஜய் ஆதிராஜ் இப்போது இயக்குநராகி விட்டார். புத்தகம் என்ற படத்தை அவர் இயக்கியுள்ளார். இதில் விசேஷம் என்னவென்றால், ஆர்யாவின் தம்பி சத்யாதான் இதில் நாயகனாக அறிமுகமாகிறார்.
இந்தப் படத்தின் பாடல் வெளியீடு சென்னையில் நடந்தது. எஸ்.பி.முத்துராமன் முதல் சிடியை வெளியிட, பி.வாசு வாங்கிக் கொண்டார்.
விழாவில் வழக்கம் போல பார்த்திபனின் பேச்சுதான் படு கலாய்ப்பாக இருந்தது. அவர் பேசுகையில், நடிகைகளை முத்தமிடும் கலாசாரத்தை கமல் சார் பரப்பினார். ஆர்யாவும் இப்போது நடிகைக்கு முத்தம் கொடுத்துள்ளார்.
ஆனால் அவர் நடிகைகளை எப்படி பிக்கப் பண்றார் எங்கு டிராப் பண்றார்னு தெரியல. இந்த புத்தகம் படம் தமிழ் திரையுலகை புரட்டிப்போடும் என்று பேசியபோது ஆர்யா உள்பட அனைவருமே விழுந்து விழுந்து சிரித்தனர்.
பதிலுக்கு ஆர்யா பேசுகையில், பார்த்திபன் நடிகைகளை நான் பிக்கப் செய்வது பற்றி பேசினார். நான் பிக்கப் செய்யும் நடிகைகளை டிராப் செய்வது இல்லை. டிராப் பண்ணினால் மற்றவர்கள் பிக்கப் செய்து விடுகிறார்கள் என்று பதிலுக்குக் கலாய்த்தார்.
ஹய்யோ, ஹய்யோ...!
சமந்தா விலகிய படத்தில் நடிக்கிறார் ஸ்ருதி ஹாசன். தனுஷ் ஜோடியாக '3 படத்தில் நடித்த பிறகு தமிழில் புதிய படம் எதிலும் ஸ்ருதி ஹாசன் நடிக்கவில்லை. இந்தி, தெலுங்கு படங்களில் நடித்து வருகிறார். இது பற்றி அவர் கூறியதாவது: பிரபு தேவா இயக்கும் புதிய இந்தி படத்தில் தற்போது நடித்து வருகிறேன். இதையடுத்து தெலுங்கில் 2 படம், இந்தியில் மேலும் ஒரு படம் என 4 படங்களில் நடிக்கிறேன். அர்ஜுன் ராம்பால் நடிக்க நிகில் அத்வானி இயக்கும் இந்தி படத்தின் ஷூட்டிங் தொடங்கிவிட்டது. 
இரண்டு கெட்டப்பில் நடிக்கிறார் லட்சுமிராய். 'ஒன்பதுல குரு படத்தை எழுதி இயக்கும் பி.டி.செல்வகுமார் கூறியதாவது: கல்லூரி வாழ்க்கையை அனுபவிக்கும் 4 இளைஞர்கள் அதன்பிறகு இன்னொரு வாழ்க்கையை எதிர்கொள்ள வேண்டிய நிலை ஏற்படும்போது அந்த சூழல் அவர்களை எப்படி மாற்றுகிறது என்பதை நகைச்சுவை ததும்ப கதை கூறுகிறது. வினய், சத்யன், பிரேம்ஜி, அரவிந்த் நண்பர்களாக நடிக்கின்றனர். இதில் இருவித கெட்டப்பில் நடிக்கிறார் லட்சுமி ராய். நீண்ட இடைவெளிக்கு பிறகு இப்படம் மூலம் ரீ என்ட்ரி ஆகிறார் மந்த்ரா. 
இயக்குனர் கே.எஸ்.ரவிகுமார் இயக்கும் படத்தில் ஹீரோவாக ரீ என்ட்ரி ஆகிறார் வடிவேலு. நகைச்சுவை நடிகர் வடிவேலு தனக்கென ஒரு பாணி வகுத்துக்கொண்டு கோலிவுட்டில் வலம் வந்தார். இப்போது 1 வருட ஓய்வுக்கு பிறகு கே.எஸ்.ரவிகுமார் இயக்கும் படத்தில் நடிக்கிறார். இது பற்றி வடிவேலு கூறியதாவது: இன்னும் சினிமா களத்தில்தான் இருக்கிறேன். இண்டஸ்ரியைவிட்டு எங்கும் போய்விடவில்லை. படங்களில் நடிக்காமல் இருந்த ஓய்வு நாட்களில் எனது குடும்பத்தினர், நண்பர்களுடன் பொழுதை கழித்தேன். சினிமாவில் பிஸியாக இருந்தபோது பார்க்க முடியாமல்போன படங்களை ரசிகர்களுடன் அமர்ந்து பார்த்தேன். அப்போது என்னை சந்தித்து ரசிகர்கள் படங்களில் என்னை பார்க்காதது பற்றி தனது வருத்தத்தை தெரிவித்தார்கள். இப்போது நிலைமை சீரடைந்துவிட்டது. 
நல்ல காலம் பொறக்குது.. நல்ல காலம் பொறக்குது...
