சம்பள பாக்கி நடிகர் சங்கத்தில் ஷெரீன் மீண்டும் புகார்!

சம்பள பாக்கி நடிகர் சங்கத்தில் ஷெரீன் மீண்டும் புகார்!

4/27/2011 10:24:45 AM

சஞ்சய்ராம் தயாரித்து இயக்கி உள்ள படம், 'பூவா தலையா'. இந்தப் படம் வரும் 29ம் தேதி வெளிவருவதாக அறிவிக்கப்பட்டுள்ளது. இந் நிலையில் இதில் நாயகியாக நடித்துள்ள ஷெரீன் தனக்கு 5 லட்சம் ரூபாய் சம்பள பாக்கி தர வேண்டியுள்ளது. அதை வசூலித்து தரும்படி நடிகர் சங்கத்தில் புகார் அளித்துள்ளார். இதுகுறித்து ஷெரீனின் அம்மா யசோதரா கூறியதாவது: இயக்குனர் சஞ்சய்ராம் 'பூவா தலையா' படத்தில் நடிக்க கேட்டபோது நாங்கள் 15 லட்சம் ரூபாய் சம்பளம் கேட்டோம். அவ்வளவு பணம் தரமுடியாது என்று, 9 லட்சம் தருவதாக சொன்னார். ஒப்புக் கொண்டோம். முதல் தவணையாக 4 லட்சம் ரூபாய் கொடுத்தார்கள். 25 நாட்கள் படப்பிடிப்பில் கலந்து கொண்டு ஷெரீன் நடித்தார். இன்னும் 5 நாள் படப்பிடிப்பு பாக்கி இருக்கிறது, அதை முடித்த பிறகு மீதி தருவதாகச் சொன்னார்கள். அதன் பிறகு படப்பிடிப்புக்கு அழைக்கவும் இல்லை. மீதிப் பணத்தை தரவும் இல்லை. இப்போது படம் வெளிவரப்போவதாக விளம்பரம் செய்து வருகிறார்கள். சம்பள பாக்கியை கேட்டால் தொலைபேசி இணைப்பை துண்டித்து விடுகிறார்கள். இதுபற்றி, நடிகர் சங்கத்தில் ஏற்கனவே புகார் செய்திருந்தோம். இப்போது மீண்டும் புகார் கொடுத்திருக்கிறோம். இவ்வாறு அவர் கூறினார்.

Source: Dinakaran

Read more »

தமிழுக்கு வருகிறார் ரவிதேஜா!

தமிழுக்கு வருகிறார் ரவிதேஜா!

4/27/2011 11:32:54 AM

தெலுங்கு சூப்பர் ஸ்டார்களில் ஒருவரான ரவிதேஜா விரைவில் தமிழ் படத்தில் நடிக்க போகிறார் என்ற தகவல் கிடைத்துள்ளது. தொடர்ந்து தெலுங்கில் மெகா ஹிட் படங்ளை கொடுத்து வரும் ரவிதேஜா தனது மார்க்கெட்டை உயர்த்த தமிழில் நடிக்க திட்டமிட்டுள்ளாராம். இதற்கு முதற்கட்டமாக தனது படங்ளை தமிழில் டப் முடிவு செய்துள்ளார். அதன் பிறகு நேரடி தமிழ் படங்களில் நடிக்க யோசிக்க திட்டமிட்டுள்ளாராம் ரவிதேஜா.

Source: Dinakaran

Read more »

மாதவனுக்கு ""''ரன்'''' போல் எனக்கு ''''வேட்டை'''' அமையும்!

மாதவனுக்கு ””ரன்”” போல் எனக்கு ””வேட்டை”” அமையும்!

4/27/2011 11:00:32 AM

லிங்குசாமி இயக்கத்தில்  ஆர்யா நடிக்கும் புது படம் வேட்டை. படத்தில் ஆர்யாவுடன் மாதவனும் நடிக்கிறார். படத்தை பற்றி நடிகர் ஆர்யா கூறுகையில், மாதவனுக்கு ‘ரன்’ படம் மூலம் கிடைத்த இமேஜ், தனக்கு ‘வேட்டை’ படத்தின் மூலம் கிடைக்கும் எனக் கூறினார். மேலும் ‘லிங்குசாமியின் ரசிகன் நான்’ என்று கூறிய ஆர்யா படத்தில் பணியாற்ற ஆவலாக இருப்பதாக கூறினார். விரைவில் திரைக்கு வரவிருக்கும் ‘அவன் இவன்’ படம் நிச்சயம் அனைவரது மனத்தில் இடம் பிடிக்கும். பாலா இயக்கத்தில் இரண்டு படங்களில் நடித்தது மிகவும் பெருமை அளிக்கிறது என்று ஆர்யா கூறினார்.

Source: Dinakaran

Read more »

பிரபுதேவா கொடுத்த சுதந்திரம் : ஸ்ரீதர்

பிரபுதேவா கொடுத்த சுதந்திரம் : ஸ்ரீதர்

4/27/2011 10:35:32 AM

'சன் பிக்சர்ஸின் 'எங்கேயும் காதல்', மே 6ம் தேதி ரிலீஸ். இதில் 4 பாடல்களுக்கு நடனப் பயிற்சி அளித்தேன். இவ்வருடத்தின் மாபெரும் ஹிட்டாக அப்பாடல்கள் அமையும். ஹாரிஸ் ஜெயராஜின் இசையும், பிரபுதேவாவின் இயக்கமும், ஜெயம் ரவி மற்றும் ஹன்சிகா மோத்வானியின் காதல் நடிப்பும் ரசிகர்களை பரவசப்படுத்தும். எனது நடன அமைப்பில் உருவான நிறைய பாடல்கள் ஹிட்டாகியுள்ளன. ஆனால், 'எங்கேயும் காதல்' பாடல் காட்சிகள் ஹைலைட்டாக அமைந்தது, எங்கள் குழுவுக்கே பெருமிதமாக இருக்கிறது' என்றார், நடன இயக்குனர் ஸ்ரீதர்.

பிரபுதேவாவை இயக்கிய அனுபவம்?

அவரே சிறந்த நடன இயக்குனர் என்பதால், எனக்கான சுதந்திரத்தை கொடுத்தார். அவரை பொறுத்தவரை, எதையும் புதுமையாக செய்ய வேண்டும். அப்படி செய்தால், பாராட்டுவார். இப்படத்தில் அறிமுகப் பாடலாக வரும் 'எங்கேயும் காதல்' பாடல் காட்சியில் அவர்தான் நடித்துள்ளார். மென்மையான அவரது அசைவுகள், ஸ்டைலாக இருக்கும். ஜனரஞ்சகமான, ரம்மியான பாடல் என்பதால், மிகப் பெரிய ஹிட்டாகும். ரசிகர்கள் மனதில் காலம் கடந்தும் நிற்கும். இப்பாடல் காட்சியை பிரான்சில் 35 நாட்கள் படமாக்கினோம். நீரவ் ஷாவின் ஒளிப்பதிவு, நிஜமாகவே  மாபெரும் வித்தைகள் செய்துள்ளது. ஒரு நடன இயக்குனராக எனக்கும் நல்ல பெயர் வாங்கித் தரும்.

'நெஞ்சில் நெஞ்சில்…' பாடலின் ஹைலைட்?

இந்தப் பாடலுக்காக, ஜெயம் ரவிக்கு முன்கூட்டியே பயிற்சி அளித்தேன். ஹன்சிகாவுக்கு ஷூட்டிங் ஸ்பாட்டில் என்ன வருமோ, அதற்கேற்ப மூவ்மென்ட்ஸ் அமைத்தேன். நாளைக்கு எப்படி படமாக்கப் போகிறேன் என்பதை, பிரபுதேவாவிடம் முதல்நாள் இரவே செய்து காட்டி விடுவேன். சில திருத்தங்கள் சொல்லி, 'மூவ்மென்ட்ஸ்களை இப்படி மாற்றி வை' என்பார். அதன்படி செய்வேன். ஹன்சிகா மட்டும் பிரபுதேவா என்ன சொல்வாரோ என்று பயந்துகொண்டே இருப்பார். இந்த பாடல் காட்சியை 4 நாட்கள் படமாக்கினோம்.

கதை சொல்லும் பாடல்?

அது இல்லாமல் இருக்குமா? 'எங்கேயும் காதல்' கதையின் தன்மையையும், கேரக்டர்களின் சூழ்நிலையையும் சாதாரண ரசிகனுக்கும் புரியும் வகையில் சொல்கின்ற மான்டேஜ் பாட்டு, 'தீம் தீம்' என்று வரும். ஜெயம் ரவி தனியாகவும், ஹன்சிகா தனியாகவும் ஒருவரை ஒருவர் நினைத்து உருகுவார்கள்.

எத்தனை நாட்கள் ரிகர்சல்?

சென்னையில் 25 நாட்கள் முன்கூட்டியே நாங்கள் பயிற்சி எடுத்ததால், பிரான்சில் நடந்த ஷூட்டிங்கில் எந்த பிரச்னையும் ஏற்படவில்லை. அங்கு நானும், குழுவினரும் 35 நாட்களுக்கு மேல் இருந்தோம்.

Source: Dinakaran

Read more »

தனிப்பட்ட வாழ்க்கை பற்றி கேட்காதீர்கள்

தனிப்பட்ட வாழ்க்கை பற்றி கேட்காதீர்கள்

4/27/2011 10:23:13 AM

'பொய் சொல்ல போறோம்', 'கோவா', 'பலே பாண்டியா', 'கோ' படங்களில் நடித்திருப்பவர் பியா. நிருபர்களிடம் அவர் கூறியதாவது: எல்லோரையும் போல எனக்கும் காதல் வந்தது. வந்த வேகத்தில் மறைந்தும் விட்டது. எனது தனிப்பட்ட வாழ்க்கைப் பற்றி கேட்காதீர்கள். அது மற்றவர்களுடன் பகிர்ந்து கொள்ளக் கூடியதல்ல. 'கோ' படத்தில் எனக்கு நல்ல கேரக்டர் கிடைத்தது. எல்லோரும் இரண்டாவது ஹீரோயினாக நடித்தது ஏன் என்று கேட்கிறார்கள். கேரக்டருக்கு முக்கியத்துவம் இருந்தால் எந்த கேரக்டரிலும் நடிக்கலாம். வில்லியாகவும் நடிப்பேன். நீச்சல் உடை அணிவதும், முத்தக் காட்சியில் நடிப்பதும் அதன் அவசியத்தை பொறுத்து முடிவு செய்வேன். தற்போது தமிழ் கற்று வருகிறேன். அதிக தமிழ்ப் படங்களில் நடிக்கும்போது சென்னையில் குடியேறுவேன். இந்தியில் நிறைய விளம்பர படங்களில் நடித்துள்ளேன். விரைவில் ஒரு இந்திப்படத்தில் நடிக்க உள்ளேன்.

Source: Dinakaran

Read more »

நார்வே திரைப்பட விழாவில் எந்திரன் படத்துக்கு 3 விருது!

நார்வே திரைப்பட விழாவில் எந்திரன் படத்துக்கு 3 விருது!

4/27/2011 10:29:42 AM

நார்வே சர்வதேச தமிழ்த் திரைப்பட விழா, கடந்த 20-ம் தேதி ஆஸ்லோவில் துவங்கி 25-ம் தேதி வரை நடந்தது. வசீகரன் சிவலிங்கம் என்பவரின் விஎன் மியூசிக் ட்ரீம்ஸ் நிறுவனம் இவ்விழாவை வருடா வருடம் நடத்தி வருகிறது. இயக்குனர்கள் சேரன், ராதாமோகன், பிரபு சாலமன், வெற்றிமாறன், சீனு ராமசாமி, விஜய், இசையமைப்பாளர் ஜிவி பிரகாஷ் உள்ளிட்டோர் பங்கேற்ற இவ்விழாவில், 'எந்திரன்', 'மதராசப்பட்டினம்', 'மைனா', 'பயணம்' உட்பட 15 படங்களும் 10 குறும்படங்களும் திரையிடப்பட்டன. பின்னர் 23 பிரிவுகளில் விருதுகள் அறிவிக்கப்பட்டன. இதில், சன் பிக்சர்ஸின் 'எந்திரன்' படத்துக்கு சிறந்த விஷுவல் எஃபெக்ட்ஸ், சிறந்த மேக்கப் மற்றும் சிறந்த தயாரிப்பு ஆகிய 3 விருது கிடைத்தது. சிறந்த படமாக பிரபு சாலமன் இயக்கிய 'மைனா' தேர்வு செய்யப்பட்டது. சிறந்த இயக்குனராக, ராதா மோகனும் (பயணம்), நடிகராக விதார்த்தும் (மைனா), நடிகையாக அஞ்சலியும் (அங்காடி தெரு) தேர்வு செய்யப்பட்டனர்.

Source: Dinakaran

Read more »

ஹாலிவுட்டை ஈர்க்க கமல் ஐடியா!

ஹாலிவுட்டை ஈர்க்க கமல் ஐடியா!

4/26/2011 5:06:27 PM

சிரஞ்சீவி மகன் ராம் சரண் தேஜா நடித்த 'மகதீரா’, தமிழில் 'மாவீரன்’ பெயரில் டப்பிங் ஆகிறது. இப்படத்தின் இசை வெளியீட்டு விழாவில் கமல்ஹாசன் பேசியது: ராம் சரணின் கடின உழைப்பு அவரது நடிப்பில் தெரிகிறது. சிரஞ்சீவியும் நானும் ஆழ்வார்பேட்டை சாலையில் ஷூட்டிங்கில் ஒன்றாக கலந்துகொண்ட காலத்தில் இவ்வளவு பெரிய இடத்துக்கு வருவோம் என்று நினைக்கவில்லை. ஆனால் அது இன்று நடந்திருக்கிறது. மும்பையில் மட்டும் ஷூட்டிங் நடப்பதுபோல் ஹாலிவுட்காரர்கள் நினைக்கிறார்கள். தமிழ்நாடு, ஆந்திரா, கேரளாவிலும் ஷூட்டிங் நடக்கிறது. பெரிய படங்கள் வருகின்றன என்பதை அவர்களுக்கு உணர்த்த வேண்டும். அதை ஞாபகப்படுத்த தமிழ் திரையுலகும், தெலுங்கு திரையுலகும் ஒன்றாக சேர வேண்டும். உலக வர்த்தகத்தில் பங்கு பெறாமல் இருப்பது நமது தவறுதான். அதற்காகவாவது நாம் கைகோர்க்க வேண்டும். தெலுங்கிலிருந்து ஒரு படையே தமிழுக்கு வந்திருக்கிறது. வருக என்று வரவேற்கிறோம்.

Source: Dinakaran

Read more »