தமிழில் வெற்றி பெற்ற துப்பாக்கியை இந்தியில் அக்சய் குமாரை வைத்து இயக்குகிறார் முருகதாஸ். விபுல் ஷா தயாரிக்கும் இந்தப் படத்தில் நடிக்க முன்னணி நடிகைகள் இடையே கடும் போட்டி நிலவுகிறது.துப்பாக்கியின் வசூல் சத்தம் பாலிவுட்டில் கடுமையாக எதிரொலிக்கிறது. நிச்சயம் படம் வெற்றி பெறும் என்பதால் நூறு கோடியை வசூலிக்கயிருக்கும் படத்தில் நடிக்க முன்னணி நடிகைகள் இடையே கடும் போட்டி நிலவுகிறது. முக்கியமான கத்ரினா, தீபிகா, சோனாக்சி.
தமிழில் நடித்த காஜல் அகர்வால் இந்திக்கு வேண்டாம் என்று அக்சய் குமாரும், விபுல் ஷாவும் தீர்மானமாக முடிவெடுத்திருக்கிறார்கள். ப்ரணித்தா நடிப்பதாக சொல்லப்பட்டதும் சும்மாவாம்.
காஜல் துப்பாக்கியில் ஒரேயொரு காட்சியில் குத்துச்சண்டை வீரர்களுக்கான உடை அணிந்து ஒரேயொரு குத்துவிடுவார். ஆனால் இந்தியில் இந்த கேரக்டரை இன்னும் போல்டாக காட்டயிருக்கிறாராம் முருகதாஸ். மேரி கோமை மனதில் வைத்து இந்த கேரக்டரை பட்டை தீட்டயிருப்பதாக அவர் தெரிவித்துள்ளார்.
பாக்சராக நடிப்பதற்குரிய உடல்வாகு தீபிகா படுகோனுக்குதான் இயல்பாக அமைந்துள்ளது. மேலும் தமிழ் துப்பாக்கியில் நடிக்க முருகதாஸின் முதல் சாய்ஸ் தீபிகாதானாம். கால்ஷீட் பிரச்சனையால் அவரால் நடிக்க முடியவில்லை. இதனால் ரேஸில் தீபிகா முன்னணியில் இருப்பதாக கூறுகிறார்கள்.
படத்தின் முக்கியமான இன்னொரு மாற்றம், வித்யும் ஜம்வால். துப்பாக்கியில் வில்லனாக நடித்த இவரை இந்தியில் பயன்படுத்தப் போவதில்லை என திட்டவட்டமாக தெரிவித்துள்ளார் விபுல் ஷா. காரணம் ஷா வின் கமாண்டோ படத்தில் வித்யுத் ஹீரோவாக நடிக்கிறார். வில்லனாக போட்டு அவரை வீணடிக்க விரும்பவில்லையாம் விபுல் ஷா.
அடுத்த மாதம் இந்த ரீமேக்கின் படப்பிடிப்பு தொடங்குகிறது.
மணிரத்னம் இயக்கத்தில் ரஜினி நடித்த படம் 'தளபதி'. மற்றொரு ஹீரோவாக மம்முட்டி நடித்திருந்தார். இப்படத்தின் 2 -வது பாகம் உருவாக்குவது பற்றி மணிரத்னம் யோசித்து வந்தார். சமீபத்தில் ரஜினியை சந்தித்து இதுபற்றி அவரிடம் கூறினார். ரஜினியும் அதற்கு சம்மதம் தெரிவித்ததாக கூறப்படுகிறது. 
ஷூட்டிங்கில் காயம் அடைந்த அஜீத்துக்கு ஆபரேஷன் நடக்க உள்ளதாக தகவல் வெளியாகி உள்ளது. 'பில்லா படத்தை இயக்கிய விஷ்ணுவர்தன் இயக்கத்தில் புதிய படத்தில் நடித்து வருகிறார் அஜீத். சமீபத்தில் இப்படத்தின் ஷூட்டிங்கில் சண்டை காட்சியில் நடித்தபோது அஜீத்துக்கு கால் எலும்பில் அடிபட்டது. உடனடியாக அவரை மருத்துவமனையில் சேர்த்தனர். அவருக்கு சிகிச்சை அளித்த டாக்டர்கள் அடிபட்ட இடத்தில் ஆபரேஷன் செய்ய வேண்டும் என்று கூறினர். படத்தின் முக்கிய காட்சிகள் படமாகி வருவதால் ஆபரேஷனை தள்ளிப்போட்டார் அஜீத். கையில் ஸ்டிக் ஊன்றியபடி ஷூட்டிங்கில் கலந்துகொண்டார். 
குழந்தை கடத்தல் கதையில் மலையாள ஹீரோயின் அறிமுகமாகிறார். 'என்னவளே, 'ஜூனியர் சீனியர், 'வேலை போன்ற படங்களை இயக்கிய ஜே.சுரேஷ் அடுத்து 'பாரசீக மன்னன் என்ற படத்தை எழுதி இசை அமைத்து இயக்குவதுடன் ஹீரோவாக நடிக்கிறார். இதுபற்றி அவர் கூறியதாவது: சர்வதேச அளவில் அச்சப்பட வைக்கிற விஷயமாக குழந்தை கடத்தல் சம்பவம் நடக்கிறது. கடத்தப்படும் குழந்தைகள் எவ்வாறு துன்புறுத்தப்படுகிறார்கள். 
காதலன் பிரதீக்கை பிரிந்தார் எமி ஜாக்ஸன். தமிழில் ஆர்யா ஜோடியாக 'மதராசபட்டினம் படத்தில் அறிமுகமானவர் லண்டனை சேர்ந்த எமி ஜாக்ஸன். இதையடுத்து விக்ரம் ஜோடியாக 'தாண்டவம் படத்தில் நடித்தார். இதற்கிடையில் தமிழில் வெளியான 'விண்ணைத் தாண்டி வருவாயா படத்தை கவுதம் மேனன் இந்தியில் 'ஏக் திவானா தா என்ற பெயரில் இயக்கினார். இதில் பிரதீக் ஹீரோவாக நடித்தார். ஹீரோயினாக எமி நடித்தார். அப்போது பிரதீக், எமி இருவருக்கிடையே நட்பு மலர்ந்தது. 
நல்ல காலம் பொறக்குது... நல்ல காலம் பொறக்குது...
| தமன்னா 
தமிழில், 'தொட்டால் பூமலரும்', 'சிங்கக்குட்டி' படங்களில் நடித்தவர் கவுரி முஞ்சால். அவர் கூறியதாவது:தமிழ், தெலுங்கு, கன்னடம் மற்றும் மலையாளப் படங்களில் நடித்துவருகிறேன். நான்கு தென்னிந்திய மொழிகளிலும் நடித்தது பெருமைதான். என்றாலும் சமீபகாலமாக தமிழில் காண முடியவில்லையே என்கிறார்கள். நான் அமைதியானவள். எந்த பரபரப்பையும் விரும்பாதவள். அதனால் வாய்ப்புகளைத் தேடிப் போகவில்லை. வரும் படங்களில் நடிக்கிறேன். நான் திருமணம் செய்துகொள்ள இருப்பதாக வரும் தகவல்களில் உண்மை இல்லை. கடந்த சில வருடங்களாக என் அம்மாவுக்கு உடல்நிலை சரியில்லை. அவர்க¬ளை கவனித்துக்கொண்டேன் என்றாலும் திருமணத்துக்கு இப்போது அவசரம் இல்லை. உடல் எடையை பத்துகிலோ வரை குறைத்துள்ளேன். இப்போது அதிக வாய்ப்புகள் வருகிறது. எந்த மொழியாக இருந்தாலும் சிறந்த கதைகளில் மட்டுமே நடிக்க முடிவு செய்துள்ளேன்.
விஜயா புரொடக்ஷன்ஸ் தயாரிக்கும் படத்தில் அஜீத் ஜோடியாக தமன்னா நடிக்கிறார்.ஏ.எம்.ரத்னம் தயாரிப்பில் விஷ்ணுவர்தன் இயக்கும் பெயரிடப்படாத படத்தில் நடித்து வருகிறார் அஜீத். இதற்கிடையே விஜயா புரொடக்ஷன்ஸ் சார்பில் பாரதி ரெட்டி, வெங்கட்ராம ரெட்டி தயாரிக்கும் படத்தில் அஜீத் நடிக்கிறார். இதை 'சிறுத்தை' சிவா இயக்குகிறார். இதில் அஜீத் ஜோடியாக நடிக்க ஹீரோயின் தேடி வந்தனர். இப்போது தமன்னா ஒப்பந்தமாகி உள்ளதாக இயக்குனர் சிவா தெரிவித்தார். அவர் மேலும் கூறும்போது, 'படத்துக்கு இன்னும் பெயர் வைக்கவில்லை. இது கமர்சியல் படம். விதார்த், பாலா, முனீஷ், சோஹைல் ஆகிய இளம் ஹீரோக்களும் அஜீத்துடன் நடிக்க உள்ளனர். காமெடிக்கு ஜெயராமும், சந்தானமும் இணைகின்றனர். தேவிஸ்ரீ பிரசாத் இசை அமைக்கிறார். மார்ச் மாதம் ஷூட்டிங் தொடங்குகிறது' என்றார்.
விஷ்ணு, சுனேனா, நந்திதா தாஸ் நடித்துள்ள 'நீர்ப்பறவை' படம் நேற்று ரிலீஸ் ஆகியுள்ளது. இதில் நடித்துள்ளது பற்றி நந்திதா தாஸ் கூறியதாவது:கடந்த இரண்டு வருடமாக என் மகனை கவனிப்பதில் கவனம் செலுத்தி வந்தேன். 'நீர்ப்பறவை' கதையை கேட்டதும் எனக்குப் பிடித்திருந்தது. இதில் மீனவரின் மனைவியாக நடித்துள்ளேன். சர்வதேச கடல் எல்லையை அறியாமல் தாண்டிச் செல்கிற மீனவர்களை மற்ற நாட்டு ராணுவம் சுட்டுக்கொல்வது, பிடித்துச்செல்வது பற்றியான கதைதான் 'நீர்ப்பறவை'. தனிபட்ட முறையிலும் அரசியல் ரீதியாகவும் இது நெஞ்சைத் தொடுகிற விஷயம். இதில் அநீதிக்கு எதிராக கேள்விகளை கேட்கும் வேடத்தில் நடித்துள்ளேன். இதையடுத்து இன்னும் சில சுவாரஸ்யமான கதைகளில் நடிக்க இருக்கிறேன். நாடகங்களிலும் பங்குபெற இருக்கிறேன். நடிப்பது, படம் இயக்குவது, நாடகம் என்று சொல்கிறீர்களே அடுத்து என்ன என்று கேட்கிறார்கள். எல்லாவற்றிலும் மகிழ்ச்சியாக ஈடுபடுகிறேன். இப்போது இதழ் ஒன்றில் பல்வேறு பிரச்னைகளைப் பற்றி கட்டுரை எழுதிக் கொண்டிருக்கிறேன்.இவ்வாறு நந்திதா தாஸ் கூறினார். 
'3' படத்தில் சிறப்பாக நடித்திருந்ததால் ஸ்ருதி ஹாசனுக்கு இந்திப் பட வாய்ப்பு கிடைத்துள்ளது.ரஜினி மகள் ஐஸ்வர்யா இயக்கத்தில் தனுஷ், ஸ்ருதிஹாசன் நடித்த படம், '3'. இந்தப் படத்தில் இடம்பெற்ற 'கொலவெறி' பாடல் பரவலாக பேசப்பட்டது. இந்தப் படத்தைப் பார்த்த இந்தி பட இயக்குனர் நிகில் அத்வானி, தனது இந்தி படத்துக்கு ஸ்ருதியை தேர்வு செய்துள்ளார். இந்தியில் ஏற்கனவே 'லக்', 'தில் தோ பச்சா ஹை ஜி' படங்களில் நடித்திருந்தாலும் '3' படம் தான் அவரை பாதித்ததாக நிகில் தெரிவித்துள்ளார்.