‘ஆமா நாங்க காதலிக்கிறோம்' என அதிகாரப்பூர்வமாக டுவிட்டரில் அறிவித்த பப்பாளி நடிகை அவர். ஆனால், காதலன் மன்மதன் மீண்டும் தனது பழைய காதலியோடு ஜோடி சேர்கிறார் என்ற செய்தி வெளியானதும் நடிகையை கேள்விகள் துளைத்து எடுத்து விட்டார்களாம் அடுத்தவர்களின் பர்சனல் பக்கத்தை புரட்டும் ஆர்வலர்கள் சிலர்.
எவ்வளவோ விளக்கம் கொடுத்தும் தொடர்ந்து ரசிகர்கள் என்ற போர்வையில் அவர்கள் கடுப்பேற்றியதால், சில காலம் டுவிட்டருக்கு வருவதையே தவிர்த்து வந்தார் நடிகை.
காலம் தானே எல்லாவற்றுக்கும் மருந்து. தற்போது மீண்டும் டுவிட்டருக்கு வந்திருக்கிறார் நடிகை, பட் ஒரு கண்டிசனோடு. அதாவது, இனி தனது படங்கள் குறித்து மட்டுமே கேட்கலாம், பேசலாம். பர்சனல் விஷயங்கள் பேச கண்டிப்பாக அனுமதியில்லை என்பது தான் அது.
