மும்பை: நின்றால் செல்ஃபி... நடந்தால் செல்ஃபி... தூங்கினால் கூட அதை செல்ஃபி எடுத்துப்போடும் பழக்கம் இன்றைக்கு அதிகரித்து வருகிறது. அந்த வரிசையில் இப்போது ஆபரேசன் தியேட்டரில் நடக்கும் விசயங்களைக்கூட செல்ஃபி எடுத்து அதை சமூக வலைத்தளங்களில் பகிரும் பழக்கம் அதிகரித்து வருகிறது.
திரைப்படத்துறை பிரபலங்களும், விளையாட்டு வீரர்களும் தங்களது வாழ்வில் நடைபெறும் முக்கிய நிகழ்வுகளை ‘பேஸ்புக்', ‘டுவிட்டர்' போன்றவற்றின் மூலம் அவ்வப்போது தங்களை பின்தொடரும் அபிமானிகளுடன் பகிர்ந்தபடி உள்ளனர். இதன் மூலம் அவர்களுடன் நெருக்கமாக இருப்பதை போன்ற உணர்வு ஏற்படுவதாக பிரபலங்கள் நம்புகின்றனர்.
Live tweet from the operation theatre !! pic.twitter.com/jVud7qKFOL
— Ranveer Singh (@RanveerOfficial) April 4, 2015ஹீரோக்கள் தொடங்கி காமெடியன்கள் வரை தினசரி ஏதாவது செல்ஃபி போட்டு ஸ்டேட்டஸ் போடுவது வழக்கம். இந்த வரிசையில் பிரபல பாலிவுட் ஹீரோ ரன்வீர் சிங் தனது படப்பிடிப்பின்போது நிகழும் அரிய சம்பவங்களை படம் பிடித்து, தனது ‘ட்விட்டர்' அபிமானிகளுடன் பகிர்ந்து கொள்வது வாடிக்கை.
சமீபத்தில் ‘பாஜிராவ் மஸ்தானி' படத்தில் நடித்து கொண்டிருந்தபோது ரன்வீருக்கு கையில் பலத்த காயம் ஏற்பட்டது.
மும்பையில் உள்ள ஒரு தனியார் மருத்துவமனையில் இந்த காயத்துக்காக அறுவை சிகிச்சை செய்யப்பட்டது.
ஆபரேஷன் மேஜையில் படுத்தபடி, தனது ‘செல்ஃபி' படத்தை ரசிகர்களுடன் பகிர்ந்து கொண்ட ரன்வீர், கிரிக்கெட் போட்டி பாணியில் முழு ஆபரேஷனையும் நேர்முக வர்ணனை செய்து அனைவரையும் ஆச்சரியத்தில் மூழ்கடித்துள்ளார்.
ஆபரேஷனுக்கு பின்னர் உடல்நலம் தேறிவரும் ரன்வீர் சிங், வரும் திங்கட்கிழமை அல்லது செவ்வாய்க்கிழமை டிஸ்சார்ஜ் செய்யப்படுவார் என டாக்டர்கள் தெரிவித்துள்ளனர்.
