இணையத்தில் வைரலாகும் புலி டீசர்

சென்னை: இன்று இரவு 12 மணிக்கு வெளியாக இருந்த புலி படத்தின் டீசர், மதியம் 2 மணிக்கே வெளியிடப் பட்டுள்ளது. இணையங்களில் திருட்டுத்தனமாக புலி படத்தின் டீசர் வெளியானதை அறிந்த படக்குழுவினர் தாங்களே டீசரை வெளியிட்டு விட்டனர்.

தற்பொழுது இணையங்களில் புலி படத்தின் டீசர் வைரலாக பரவி வருகிறது. 55 நொடிகள் ஓடக்கூடிய இந்த டீசரானது விஜய் ரசிகர்களிடம் மிகுந்த வரவேற்பைப் பெற்றுள்ளது, ராணியாக ஸ்ரீதேவியும் அரச உடையில் விஜயும் வருவது போன்று காட்சிகள் அமைக்கப்பட்டு உள்ளன.

இசையமைப்பாளர் தேவி ஸ்ரீபிரசாத்தின் இசையில் வெளியான டீசரை விஜய் ரசிகர்கள் வெகுவாகப் புகழ்ந்து உள்ளனர். தற்போது #PuliTeaser என்னும் ஹெஷ்டேக்கை டிவிட்டரில் உருவாக்கி அதனை ட்ரெண்டாக்கும் தீவிர முயற்சியில் ஈடுபட்டுள்ளனர் விஜய் ரசிகர்கள்.

Read more »

‘அழகி’ அலியாவை பாலோ செய்யும் 50 லட்சம் பேர்!

மும்பை: பாலிவுட் நடிகை அலியா பட்டை டிவிட்டரில் பாலோ செய்வோரின் எண்ணிக்கை 50 லட்சத்தைத் தாண்டியுள்ளது.

இத்தனை பேர் தன்னை பாலோ செய்வது குறித்து அலியா பட் மகிழ்ச்சியும், உற்சாகமும் வெளியிட்டுள்ளார்.

22 வயதான அலியா பட், தற்போது கரண் ஜோகரின் கபூர் அன்ட் சன்ஸ் படத்தில் நடித்து வருகிறார். தனது பாலோயர்களின் எண்ணிக்கை 50 லட்சத்தைத் தாண்டியுள்ளது குறித்து டிவிட்டரில் தனது ரசிகர்களுக்கு அவர் நன்றி தெரிவித்துள்ளார்.

இதுகுறித்து அவர் போட்டுள்ள டிவிட்டில், ‘ஆ.. 5 மில்லியன் இப்போது.. தேங்க்யூ. நீங்கள் என்னை மகிழ்ச்சிப்படுத்தி விட்டீர்கள்' என்று உற்சாகம் காட்டியுள்ளார் அலியா.

இவரது நெருங்கிய நண்பர்களான நடிகர் வருண் தவான் , சித்தார்த் மல்ஹோத்ரா ஆகியோரை விட நான்கு மடங்கு அதிகம் பாலோயர்களை அலியா பட் கொண்மடிருப்பது குறிப்பிடத்தக்கது.

Read more »

ரோமியோ ஜூலியட்டின் தாக்கத்தில் அடுத்தடுத்து வெளிவரும் ஜெயம் ரவியின் படங்கள்

சென்னை: ரோமியோ ஜூலியட் வெற்றிப் படமாக மாறியதில் அடுத்தடுத்து ஜெயம் ரவி நடித்து கிடப்பில் கிடந்த படங்கள் தூசு தட்டப் பட்டு தற்போது முழுமூச்சுடன் படப்பிடிப்பை நிறைவு செய்துள்ளனர் சம்பந்தப்பட்ட படக்குழுவினர்.

ஜெயம் ரவி - ஹன்சிகா நடிப்பில் கடந்த வாரம் வெளிவந்த ரோமியோ ஜூலியட் வசூல் ரீதியாக ஹிட்டடித்து மிகப் பெரிய வெற்றியைப் பெற்றுள்ளது. நிமிர்ந்து நில் படத்திற்குப் பின் நடித்த எந்தப் படங்களும் வெளிவராமல் கடந்த ஒரு வருடமாக தத்தளித்து வந்த ஜெயம் ரவி இந்தப் படத்தின் வெற்றியால் மீண்டும் பார்முக்குத் திரும்பி இருக்கிறார்.

ரோமியோ ஜூலியட் வெற்றியானது மேலும் சில மகிழ்ச்சிகளை ஜெயம் ரவிக்கு அளித்துள்ளது. ஆமாம் ஏற்கனவே அவரின் நடிப்பில் முடங்கிக் கிடந்த பூலோகம் மற்றும் அப்பாடக்கர் போன்ற படங்களின் படப்பிடிப்புகளை தற்போது முழுமூச்சில் நடத்தி முடித்திருக்கின்றனர் சம்பந்தப்பட்ட படக்குழுவினர்.

முதலில் வெளிவந்து ரோமியோ ஜூலியட்டின் வெற்றியை அறுவடை செய்யப் போவது எந்தப் படம் என்பது ஒரு சில நாட்களில் தெரிந்து விடும்.

Read more »

"ஜேம்ஸ் பாண்டி" கேரக்டருக்கு தனுஷ் செம பொருத்தம்... "ஷாக்" தந்த ரசிகர்கள்!

சென்னை: உலக அளவில் பிரசித்தி பெற்றவை ஜேம்ஸ்பாண்ட் படங்கள். அதிரடி சாகசங்களும் அட்டகாசமான காட்சிகளும் கலந்து பார்ப்பவர்களின் நெஞ்சத்தைக் கொள்ளை கொண்டவை இந்தப் படங்கள்.

ஜேம்ஸ்பாண்டின் ஹீரோக்கள் அவ்வபோது மாறிக் கொண்டே இருப்பார்கள். அந்தப் பாத்திரத்திற்குத் தகுந்த நபரை சல்லடை போட்டு சலித்தெடுத்து சமீபத்தில் தான் ஜேம்ஸ்பாண்ட் படத்தின் அடுத்த ஹீரோவை தேர்வு செய்தனர் ஹாலிவுட்டினர்.

உலக அளவில் புகழ்பெற்ற அந்த ஜேம்ஸ்பாண்ட் படம் தமிழில் எடுக்கப்பட்டால் அதற்கு பொருத்தமான ஹீரோவாக யார் இருப்பார்கள் என்று ஒரு கேள்வியை சென்னை மக்களிடம் கேட்டபோது அவர்கள் அளித்த சுவாரஸ்யமான பதில்களை வீடியோவாக்கி யூடியூபில் வெளியிட்டுள்ளனர்.

ரசிகர்களிடம் எக்கசக்கமான வரவேற்பைப் பெற்று வரும் அந்த வீடியோவில் தமிழில் ஜேம்ஸ்பாண்டாக நடிக்க பொருத்தமானவர் அஜித், விஜய், விக்ரம் மற்றும் தனுஷ் என்று பெரும்பாலான மக்கள் பதிலளித்து உள்ளனர்.

ஜேம்ஸ்பாண்டின் ஜோடியாக நயன்தாரா மற்றும் சன்னி லியோன் ஆகியோர் மிகப் பொருத்தமாக இருப்பார்கள் என்று சிலர் பதிலளித்து உள்ளனர். ஒரு சிலர் நடிகர் ஹிருத்திக்ரோஷனுக்கு வாக்களித்து அவரையும் தமிழ் நடிகராக மாற்றி உள்ளனர்.

சுவாரஸ்யமான பதில்களால் நிரம்பி வழியும் இந்த வீடியோவை நீங்களும் பார்த்து மகிழுங்கள்...

Read more »

விதவிதமான ஹெஷ்டேக்கால் டிவிட்டரில் ட்ரெண்டானது புலி பர்ஸ்ட் லுக்

சென்னை: நேற்று இரவு 12 மணியளவில் இளையதளபதி விஜய் நடிப்பில் வெளியாக இருக்கும் புலி படத்தின் பர்ஸ்ட் லுக்கை புலி படக்குழுவினர் வெளியிட்டனர். ராஜா போன்று கையில் வாள் வைத்துக் கொண்டு விஜய் நிற்பதுபோன்று அந்தப் போஸ்டர் உள்ளது.

விஜயின் 40 வது பிறந்த தினம் நாளை தமிழ்நாடு முழுவதும் உள்ள அவரது ரசிகர்களால் கொண்டாடப்பட உள்ள நிலையில், பிறந்த நாளுக்கு முன்னதாகவே புலி படத்தின் பர்ஸ்ட் லுக் மற்றும் டீசரை வெளியிட்டு அவரின் ரசிகர்கள் கொண்டாட்டத்தினை இரட்டிப்பாக்கி விட்டனர் புலி படக்குழுவினர்.

புலி படத்தின் பர்ஸ்ட் லுக் வெளியானதை முன்னிட்டு விதவிதமான ஹெஷ்டேக்கை உருவாக்கி இந்திய அளவில் புலி படத்தின் பர்ஸ்ட் லுக்கை ட்விட்டரில் ட்ரெண்டாக்கி விடியவிடிய இணையதளத்தில் கொண்டாடித் தீர்த்தனர் விஜய் ரசிகர்கள்.

புலி படத்தின் பர்ஸ்ட் லுக் நேற்று இரவு வெளியானதை ஒட்டி விஜய் ரசிகர்கள் #PartyToNightWithPuliFL என்ற ஹெஷ்டேக்கை உருவாக்கி அதனை இந்திய அளவில் ட்விட்டரில் ட்ரெண்டாக்கி கொண்டாடி உள்ளனர்.

அதோடு மட்டுமின்றி புலியின் பர்ஸ்ட் லுக் வெளியானதை முன்னிட்டு #PulihasArrived என்னும் ஹெஷ்டேக்கையும் உருவாக்கி அதனையும் இந்திய அளவில் ட்ரெண்டடிக்க வைத்து விட்டனர் விஜய் ரசிகர்கள்.

தொடர்ந்து டிவிட்டரில் ட்ரெண்டிங்கில் உள்ளது புலி படத்தின் பர்ஸ்ட் லுக், நாளை விஜயின் பிறந்த தினம் வேறு வருவதால் இன்னும் இரண்டு, மூன்று நாட்களுக்கு ட்விட்டர் ட்ரெண்டிங்கில் விஜயை முதலிடத்தில் வைக்க சபதம் போட்டு வேலை செய்து வருகின்றனர் விஜய் ரசிகர்கள்.

தீயா வேலை செய்யணும் குமாரு........

Read more »