நடிகர் சத்தியராஜ் நடித்த ‘அல்வா' ஸ்பெசல் அமைதிப்படை திரைப்படம் இன்று இரவு 11 மணிக்கு ஒளிபரப்பாகிறது.
சன் டிவி வாரா வாரம் ஒரு திரைப்பட வாரத்தை கொண்டாடி வருகிறது. இந்த வாரம் இரட்டையர் வாரத்தின் இறுதிப் படமாக சத்யராஜின் அட்டகாசமான நடிப்பில் வெளியான அமைதிப்படை ஒளிபரப்பாகிறது.
முந்தானை முடிச்சு வந்த பிறகு எப்படி முருங்கைக்காய் பிரபமலானதோ அதேபோல அமைதிப் படை வந்த பிறகு தமிழ்நாடு முழுக்க அல்வா பேமஸ் ஆனது. அப்படி ஒரு தாக்கம் இந்தப் படத்தில் சத்யராஜ் பேசிய அல்வா வசனம்.
1994ம் ஆண்டு வெளியான அமைதிப்படை மணிவண்ணன் இயக்கத்தில் வெளியாகி சக்கை போடு போட்ட படம். சத்யராஜ் இரட்டை வேடத்தில் நடித்திருந்த இந்தப் படம் மிகப் பெரிய ஹிட். கஸ்தூரியை மோசடியாக ஏமாற்றி வயிற்றில் பிள்ளையைக் கொடுக்க அவர் கொடுத்த அல்வா...அதை விட பிரபலமானது.படத்தின் கதை, வசனம், இசை என எல்லாமே பிரமாதம். அதிலும் சத்யராஜின் வில்லத்தனத்திற்கு ஏகோபித்த ஆதரவு கிடைத்தது ரசிகர்கள் மத்தியில்.
இப்படத்திற்கு இன்றைக்கும் ரசிகர்கள் மத்தியில் வரவேற்பு இருப்பதைப் பார்த்துதான் இரண்டாம் பாகமாக நாகராஜ சோழன் எம்ஏ எம்எல்ஏ என்ற பெயரில் மணிவண்ணன் தற்போது எடுக்கவிருக்கிறார்.
எனவே ரசிகர்களே கரண்ட் இருந்தால் இன்று இரவு 11 மணிக்கு சன் டிவியில் ஒளிபரப்பாகும் அமைதிப்படை படத்தை காணத்தவறாதீர்கள்.
சென்னை: புதுமுகங்கள் நடித்த 'கள்ளத்துப்பாக்கி' படத்துக்கு தணிக்கை குழு தடை கொடுத்தது. பின்னர் மறுதணிக்கைக்கு படம் திரையிடப்பட்டது. அப்படத்தை பார்த்த பிறகு மீண்டும் சான்றிதழ் தர மறுத்தனர். தயாரிப்பாளர், இயக்குனர் தந்த விளக்கத்துக்கு பிறகு 35 கட் கொடுத்து ஏ சான்றிதழ் கொடுத்தனர். இதுபற்றி தயாரிப்பாளர் ரவிதேவன் கூறும்போது,'கள்ளத் துப்பாக்கி படத்தை முதலில் பார்த்த தணிக்கை குழுவினர் வன்முறை அதிகம் இருப்பதாக கூறி தடை விதித்தனர். பிறகு மறுதணிக்கை குழுவுக்கு விண்ணப்பித்தோம். படத்தை பார்த்தபிறகு 7 மணி நேரம் அதிகாரிகள் எங்களிடம் கேள்வி கேட்டனர். 
மும்பை: பாலிவுட்டில் முன்னணி நடிகையாக இருந்தும் இந்தி பேச முடியாமல் தவிப்பதாக கூறினார் கேத்ரினா கைப். ஷாருக்கான், சல்மான் கான் என முன்னணி பாலிவுட் நடிகர்களுடன் ஜோடியாக நடித்திருப்பவர் கேத்ரினா கைப். லண்டனில் பிறந்து வளர்ந்த கேத்ரினா கடந்த 10 வருடமாக இந்தி படங்களில் நடித்து வருகிறார். ஆனாலும் இந்தியில் சரளமாக பேச முடியாமல் தவிக்கிறார். சமீபத்தில் பத்திரிகையாளர்கள் சந்திப்பில் பங்கேற் றார். அப்போது ஒரு பெண் நிருபர் ஆங்கிலத்தில் கேள்வி கேட்டார். உடனே கேத்ரினா, 'இந்த கேள்விக்கு ஆங்கிலத்தில் பதில் சொல்கிறேன். 
சென்னை: இயக்குனர் வெங்கட்பிரபு படத்தில் இருந்து வெளியேறியதால் இருவருக்கும் மோதலா என்றதற்கு பதில் அளித்தார் ரிச்சா. 'மயக்கம் என்ன?' 'ஒஸ்தி' படங்களில் நடித்தவர் ரிச்சா கங்கோபாத்யாய். இவர் வெங்கட் பிரபு இயக்கும் 'பிரியாணி' படத்தில் கார்த்தி ஜோடியாக நடிக்க முடிவானது. இந்நிலையில் திடீரென்று அப்படத்தில் இருந்து வெளியேறினார். இதுபற்றி ரிச்சா கூறியதாவது: பிரியாணி படத்தில் நடிக்க நான் ஒப்பந்தத்தில் கையெழுத்து இடவில்லை. இப்படத்தின் ஸ்கிரிப்ட்டை கேட்டேன். அதில் 3 ஹீரோயின்கள் நடிப்பது தெரிந்தது. அவர்களில் ஒருவராகத்தான் நான் நடிக்க கேட்டிருந்தார் வெங்கட்பிரபு. பின்னர் மாற்றி அமைக்கப்பட்ட ஸ்கிரிப்ட்டை என்னிடம் சொன்னார். அதில் என்னுடைய வேடமும் மாற்றி அமைக்கப்பட்டிருந்தது. அது எனக்கு பிடிக்கவில்லை. 
நல்லகாலம் பொறக்குது... நல்லகாலம் பொறக்குது...
