விஜயா புரொடக்ஷன்ஸ் தயாரிக்கும் வீரம் படத்துக்காக வேட்டி டான்ஸ் ஆடியுள்ளாராம் அஜீத்.
விஷ்ணுவர்தன் இயக்கும் ஆரம்பம் படத்துக்குப் பிறகு அஜீத் நடித்து வரும் படம் ‘வீரம்'. இப்படத்தை சிறுத்தை படத்தை இயக்கிய சிவா இயக்குகிறார்.
தமன்னா கதாநாயகியாக நடிக்கிறார். இது கிராமத்துக் கதை என்பதால் அஜீத் வேட்டி சட்டை அணிந்து நடித்துள்ளார். ரொம்ப நாளைக்குப் பிறகு அவர் நடிக்கும் கிராமப் படம் இது.
இப்படத்திற்கு தேவிஸ்ரீபிரசாத் இசையமைக்கிறார். கிராமத்து தெம்மாங்கு இசையில் அவர் போட்டுள்ள ஒரு பாடலுக்கு அஜீத் வேட்டியுடன் ஆட்டம் போடுகிறாராம். அவருடன் ஆட்டம் போடும் ஆண் டான்சர்கள் அனைவருக்கும் வேட்டிதான் யூனிபார்மாம்.
இந்தத் தகவல் அஜீத் ரசிகர்களுக்கு பெரிய உற்சாகத்தைக் கொடுத்துள்ளது.
ரஜினிக்கு மரியாதை செய்யும் விதத்தில் ஷாரூக் போட்ட லுங்கி டான்ஸ் இப்போது ஏக பிரபலமாகிவிட்டது. அடுத்து அஜீத்தின் வேட்டி டான்ஸ் ஒரு ரவுண்ட் வரும் போலிருக்கிறது!
Post a Comment