கொச்சி: நடிகை சரிதாவை மணந்து பின்னர் விவாகரத்து செய்துவிட்ட நடிகர் முகேஷ், இப்போது இரண்டாவது திருமணம் செய்து கொண்டுள்ளார். கேரளாவில் நடனக் கலைஞராக உள்ள தேவிகாவை அவர் பதிவுத் திருமணம் செய்து கொண்டார்.
முகேஷுக்கும், நடிகை சரிதாவுக்கும் 1989-ல் திருமணம் நடந்தது. கருத்து வேறுபாடு காரணமாக பின்னர் பிரிந்த இருவரும் 2007-ல் விவாகரத்து பெற்றனர். இவர்களுக்கு இரு குழந்தைகள் இருக்கிறார்கள். சரிதா சென்னையில் வசிக்கிறார்.
முகேஷ் படங்களில் தொடர்ந்து நடிக்கிறார். அவருக்கும் கேரளாவில் பிரபல நடன ஆசிரியையாக உள்ள மெதில் தேவிகாவுக்கும் பழக்கம் ஏற்பட்டது. தேவிகா மோகினியாட்டம், கதக்களி, குச்சிபுடி நடனக் கலைஞராக உள்ளார். நடனத்தில் டாக்டர் பட்டம் பெற தமிழகத்தில் உள்ள பல்கலைக்கழகம் ஒன்றில் ஆராய்ச்சி கட்டுரையும் சமர்பித்து உள்ளார்.
முகேஷும் தேவிகாவும் திருமணம் செய்து கொள்ள முடிவு செய்தனர். கேரளாவில் திரிபுனிதரா பதிவாளர் அலுவலகத்தில் இருவரும் பதிவு திருமணம் செய்து கொண்டனர். பின்னர் கோவிலுக்கு சென்று சாமி கும்பிட்டார்கள். நெருங்கிய உறவினர்கள் மற்றும் நண்பர்கள் மட்டும் இத்திருமணத்தில் பங்கேற்று வாழ்த்தினார்கள்.
Post a Comment