சென்னை: டோலிவுட்டில் கொடிகட்டிப் பறக்கும் அந்த நடிகை தான் நடித்து வரும் தமிழ் படத்தின் இயக்குனர் மீது கடுப்பாகி சண்டை போட்டாராம்.
டோலிவுட்டில் வெற்றி நாயகியாக உள்ள அவருக்கு கோலிவுட்டில் தான் ஹிட் படம் அமைய மாட்டேன் என்கிறது. அவர் தான் நடிக்கும் ஒவ்வொரு தமிழ் படத்தையும் பெரிதும் எதிர்பார்ப்பதும், அது ஊத்திக் கொள்வதும் வழக்கமாக உள்ளது. இந்நிலையில் தான் அவர் நடித்துள்ள படம் விரைவில் ரிலீஸ் ஆகிறது.
இந்த படமும் ஊத்திக் கொண்டால் கோலிவுட்டில் அவரது பாடு கஷ்டம் தான். இந்நிலையில் தான் அவர் தன் கையில் உள்ள ஒரே தமிழ் படத்தில் நடித்துக் கொண்டிருக்கிறார்.
அந்த படத்தில் ஒரு காட்சியில் நடிகை நடிக்க இயக்குனருக்கு அது பிடித்தது போன்று அமையவில்லையாம். இதனால் இயக்குனர் அந்த குறிப்பிட்ட காட்சியை மீண்டும் மீண்டும் எடுத்துள்ளார். இதனால் கடுப்பான நடிகை எத்தனை ரீடேக் என்று இயக்குனரிடம் மல்லுக்கு பாய்ந்துள்ளார்.
ஏற்கனவே தமிழில் அவருக்கு படம் ஓடாத நிலையில் இயக்குனருடன் பிரச்சனை வேறா என்று கோடம்பாக்கத்தில் பேசப்படுகிறது.
Post a Comment