சென்னை: விஜய்யின் புலி படத்தின் ரிலீஸ் தேதி 2 வாரம் தள்ளிப் போயுள்ளது.
சிம்புதேவன் இயக்கத்தில் விஜய், ஸ்ருதி ஹாஸன், ஹன்சிகா, ஸ்ரீதேவி, சுதீப் உள்ளிட்டோர் நடித்துள்ள புலி படத்தை ரசிகர்கள் ஆவலுடன் எதிர்பார்த்துக் கொண்டிருக்கிறார்கள். புலி படத்தின் டிரெய்லரை யூடியூப்பில் இதுவரை 40 லட்சம் பேர் பார்த்து ரசித்துள்ளனர்.
டிரெய்லர் சான்சே இல்லை, செம என விஜய் ரசிகர்கள் பேசிக் கொள்கிறார்கள். புலி படத்தை செப்டம்பர் 17ம் தேதி ரிலீஸ் செய்ய திட்டமிட்டிருந்தனர். இந்நிலையில் ரிலீஸ் தேதியை 2 வாரங்களுக்கு தள்ளி வைத்துள்ளனர். அதன்படி படம் அக்டோபர் மாதம் 1ம் தேதி தான் ரிலீஸ் ஆகிறது.
இது குறித்து புலி படத்தின் தயாரிப்பு நிறுவனமான எஸ்.கே.டி. ஸ்டுடியோஸ் ட்விட்டரில் கூறியிருப்பதாவது,
"1st OCTOBER,2015" #Puli in Theatres :)
— SKT Studios (@SKTStudios) August 24, 2015
அக்டோபர் 1ம் தேதி புலி படம் ரிலீஸ் ஆகிறது என்று தெரிவிக்கப்பட்டுள்ளது.
போஸ்ட் புரொடக்ஷன் மற்றும் சில வேலைகள் இருப்பதால் ரிலீஸ் தேதி தள்ளிப்போடப்பட்டுள்ளதாக கூறப்படுகிறது.
Post a Comment