இந்தியில் சரியாகப் போகவில்லை என்று கூறப்பட்ட த்ரிஷ்யம், ஒரு வாரத்தில் ரூ 50 கோடியை வசூலித்துள்ளதாக பாக்ஸ் ஆபீஸ் தகவல்கள் தெரிவிக்கின்றன.
அஜய் தேவ்கன், ஸ்ரேயா, தபு நடிப்பில் வெளியான த்ரிஷ்யம், முதல் வாரத்தில் மட்டும் ரூ. 50 கோடி வசூலைப் பெற்றுள்ளது.
ஜூலை 31 அன்று வெளியான இந்தப் படம் ஆரம்ப வார முடிவில் மட்டும் (வெள்ளி, சனி, ஞாயிறு) ரூ. 30.03 கோடி வசூல் செய்தது. (வெள்ளி - ரூ. 8.50 கோடி, சனி - ரூ. 9.40 கோடி, ஞாயிறு - ரூ. 12.13 கோடி)
அதன் பிறகும் இதன் வசூல் பரவாயில்லை எனும் அளவுக்குத் தொடர்கிறது. திங்கள் - ரூ. 4.05 கோடி, செவ்வாய் - ரூ. 4.50 கோடி, புதன் - ரூ. 4.10 கோடி, வியாழன் - ரூ. 3.60 கோடி என முதல் வாரத்தில் மட்டும் ரூ. 46.28 கோடி வசூல் பெற்றுள்ளது. நேற்று கிடைத்த வசூலுடன் சேர்த்து இதுவரை ஒட்டுமொத்தமாக ரூ. 50 கோடி வரை அள்ளியுள்ளது.
நிஷிகாந்த் காமத் இயக்கிய இந்தப் படம், முதல் வாரத்தில் ரூ 100 கோடி க்ளப்பில் சேரமுடியவில்லை என்றாலும், குறைந்த பட்ஜெட்டில் எடுக்கப்பட்ட படம் என்பதால், வெற்றிப் படமே!
Post a Comment