உணவுக்காக விலங்குகளை கொல்வதை தடுக்கவும், மாறாக அசைவத்தில் இருந்து சைவத்துக்கு மாற்றும் நோக்கில் விலங்குகள் பாதுகாப்பு நல அமைப்பான பீட்டா விழிப்புணர்வு செய்து வருகிறது. அதன் ஒரு பகுதியாக, பிரபலங்களிடம் கருத்து கேட்டு, ஆண்டுதோறும் சினிமா பிரபலங்களில் சிறந்த சைவை பிரியர்களை அறிவித்து வருகிறது. அந்த வகையில் '3' படத்தில் இடம்பெற்ற 'ஒய் திஸ் கொலவெறிடி' பாடல் மூலம் உலக அளவில் பிரபலமான தனுஷ் மற்றும் 'மர்டர்' படம் மூலம் பிரபலமான பாலிவுட் நடிகை மல்லிகா ஷெராவத், 2011ன் சிறந்த சைவ பிரியர்களாக தேர்வாகினர். 'சைவ உணவை சாப்பிடுவதால் எப்போதும் ஆரோக்கியமாக இருப்பதை உணர்வதுடன், சீரான உடற்கட்டுடன் உள்ளேன்' என்று தனுசும், 'சைவ உணவே மிகவும் சிறந்தது' என்று மல்லிகாவும் தெரிவித்தனர்.
Post a Comment