ஸ்ரீகாந்த் நடித்த பாகன் படத்தை விலைக்கு வாங்கியது சன் டிவி.
கடந்த வெள்ளிக்கிழமையன்று வெளியான படம் பாகன். ஸ்ரீகாந்த், ஜனனி நடித்த இந்தப் படத்தை அஸ்லம் இயக்கியிருந்தார்.
நகைச்சுவையை மையப்படுத்தி வெளியான இந்தப் படம் முதல் மூன்று நாளும் நல்ல வரவேற்பைப் பெற்றது. சென்னையில் முக்கியத் திரையரங்குகளில் 90 சதவீத கூட்டத்துடன் ஓடியது.
முதல் மூன்று நாளில் இந்தப் படம் ரூ 1.2 கோடியை சென்னையில் மட்டும் ஈட்டியுள்ளதாக படத்தின் தயாரிப்பாளர் தெரிவித்துள்ளார். பாகன் போன்ற ஒரு நடுத்தர பட்ஜெட் படத்துக்கு இது மிகப்பெரிய விஷயமாகும்.
படத்துக்குக் கிடைத்த இந்த ஓபனிங் காரணமாக, சன் டிவி இதன் ஓளிபரப்பு உரிமையை வாங்கியுள்ளது.
ஸ்ரீகாந்துக்கு, அவர் இழந்த மார்க்கெட்டை இந்தப் படம் பெற்றுத்தந்துள்ளது என்பதே பாக்ஸ் ஆபீஸில் கருத்தாக உள்ளது.
Post a Comment