டெல்லி: குத்துப் பாட்டுக்கு ஆட்டம் போட ஆசையாக உள்ளது என்று சிருங்காரம் நாயகி அதித்தி ராவ் ஹைதரி தெரிவித்துள்ளார்.
கடந்த 2007ம் ஆண்டு வெளியான சிருங்காரம் படம் மூலம் கோலிவுட்டுக்கு வந்தவர் அதித்தி ராவ் ஹைதரி. பாலிவுட் நடிகர் ஆமீர் கான் மனைவி கிரண் ராவின் உறவினர். அவர் இந்தி படங்களிலும் நடித்து வருகிறார். அண்மையில் அவர் நடித்த மர்டர் 3 படம் ரிலீஸானது. பரதநாட்டிய கலைஞரான அவர் லண்டன் பாரிஸ் நியூயார்க் என்ற இந்தி படத்தில் ஹீரோயினாக நடித்ததோடு பாடியும் உள்ளார்.
இந்நிலையில் அவருக்கு குத்துப்பாட்டுக்கு ஆட வேண்டும் என்ற ஆசை வந்துள்ளது.
பாலிவுட் நடிகைகள் பலரும் குத்துப்பாட்டுக்கு படுகவர்ச்சியாக ஆட்டம் போட போட்டா போட்டி போட்டு வருகின்றனர் என்பது குறிப்பிடத்தக்கது. இந்த நிலையில் தான் அதித்திக்கும் அந்த ஆசை வந்துள்ளது. அதித்தி அக்ஷய் குமாருடன் நாம் நஹி பாஸ் என்ற படத்தில் நடிக்கிறார். இது சூப்பர் ஹிட் மலையாள படமான போக்கிரி ராஜாவின் ரீமேக் ஆகும்.
Post a Comment