வரும் ஜுன் 14-ம் தேதி இரண்டு பெரிய படங்கள் வெளியாகின்றன. இரண்டுமே காமெடி படங்கள், ரசிகர்களிடம் எதிர்ப்பார்ப்பைக் கிளப்பியுள்ள படங்கள்.
முதல் படம் தீயா வேலை செய்யணும் குமாரு. சித்தார்த், ஹன்சிகா மற்றும் சந்தானம் நடித்துள்ள இந்தப் படத்தை இயக்கியிருப்பவர் சுந்தர் சி. இதற்கு மேல் அறிமுகமே தேவையில்லை இந்தப் படத்துக்கு. சுந்தர் சி என்ற வார்த்தையே படத்தின் மினிமம் கியாரண்டிதான்!
| தில்லு முல்லு யுடிவி தயாரித்துள்ள இந்தப் படத்துக்கு க்ளீன் யு சான்றிதழ் கொடுத்திருக்கிறார்கள்.
அடுத்த படம் தில்லு முல்லு. சூப்பர் ஸ்டார் ரஜினி நடித்த க்ளாஸிக் காமெடிப் படமான பழைய தில்லுமுல்லுவின் ரீமேக் இது.
வேந்தர் மூவீஸ் தயாரிப்பான இந்தப் படத்தில் சிவா, பிரகாஷ் ராஜ், இஷா தல்வார் நடித்துள்ளனர்.
இந்த இரண்டு படங்களும் ஜூன் 14-ம் தேதியை குறிவைத்து களமிறங்கத் திட்டமிட்டுள்ளன. ஆனால் விநியோகஸ்தர்களோ வேறு மாதிரி கணக்குப் போடுகின்றனர். இரண்டுமே பெரிய எதிர்ப்பார்ப்பைக் கிளப்பியுள்ள காமெடிப் படங்கள். இரண்டையும் ஒன்றாக இறக்குவதைவிட, ஒரு வாரம் முன்னே பின்னே களமிறக்கினால் பலமாக கல்லா கட்டலாமே என்பதுதான் அந்தக் கணக்கு!
Post a Comment