படம் இயக்க ஆரம்பித்து பத்தாண்டுகள் ஆகிவிட்டாலும் இதுவரை நான்கே படங்களை மட்டும் இயக்கியிருப்பவர் பாலாஜி சக்திவேல்.
உண்மை சம்பவங்கள், வாழ்க்கை நிகழ்வுகளை மட்டுமே காட்சிப்படுத்தும் இவர் இதுவரை சாமுராய், காதல், கல்லூரி, வழக்கு எண் 18/9 படங்களைத் தந்துள்ளார்.
இவற்றில் காதல் பெரும் புகழையும் வசூலையும் தந்தது. கல்லூரி நல்ல பெயரைக் காப்பாற்றியது.
வழக்கு எண் 18/9 தேசிய விருதையே பெற்றுத் தந்தது.
பாலாஜி சக்திவேல் தற்போது அடுத்த படத்தை இயக்கத் தயாராகிவிட்டார். இந்தப் படத்தையும் திருப்பதி பிரதர்ஸ் தயாரிப்பு நிறுவனம் மூலம் லிங்குசாமி தயாரிக்கிறார்.
'காதல்', 'வழக்கு எண் 18/9' ஆகிய படங்களுக்கு ஒளிப்பதிவு செய்த விஜய் மில்டன் இப்படத்துக்கு ஒளிப்பதிவு செய்கிறார்.
முற்றிலும் புதுமுகங்கள் நடிக்கும் இப்படத்துக்கு 'ரா ரா ரா' என தலைப்பு வைத்துள்ளனர். மே முதல் வாரத்தில் படப்பிடிப்பு தொடங்குகிறது.
காதல், சமூக அவலம் போன்றவற்றை இந்த முறை தொடவில்லை பாலாஜி சக்திவேல். இந்த முறை த்ரில்லரைக் கையிலெடுத்திருக்கிறார்.
Post a Comment