சென்னை: திமுக தலைவர் கருணாநிதியைச் சந்தித்துப் பேசிய சூப்பர் ஸ்டார் ரஜினிகாந்த், அவரிடம், தனது கோச்சடையான் படத்தைப் பார்க்க வருமாறு அழைப்பு விடுத்தார்.
திமுக தலைவர் கருணாநிதி ஜூன் 3ம் தேதி தனது பிறந்த நாளைக் கொண்டாடினார். அவருக்குத் தலைவர்கள் வாழ்த்து தெரிவித்திருந்தனர். சூப்பர் ஸ்டார் ரஜினிகாந்த்தும் அவருக்கு வாழ்த்து தெரிவித்திருந்தார்.
இந்த நிலையில் இன்று கோபாலபுரம் இல்லம் வந்த ரஜினிகாந்த், கருணாநிதியை நேரில் சந்தித்தும் வாழ்த்து தெரிவித்தார்.
இந்த சந்திப்பு குறித்து செய்தியாளர்களிடம் பின்னர் ரஜினி கூறுகையில், கலைஞர் பிறந்த நாளின்போது நான் படப்பிடிப்புக்காக ஹைதராபாத்தில் இருந்தேன். இதனால் நேரில் வாழ்த்து தெரிவிக்க முடியவில்லை. எனவே இன்று வந்து வாழ்த்தினேன்.
எனது கோச்சடையான் படத்தைப் பார்க்க வேண்டும் என்றும் கலைஞரை கேட்டுக் கொண்டேன் என்றார் ரஜினிகாந்த்.
Post a Comment