சென்னை: சமீபத்தில் வெளியாகி திரையரங்குகளில் வெற்றிகரமாக ஓடிக் கொண்டிருக்கும் நம்பர் படத்தின் நாயகர்களில் ஒருவர் இவர்.
தனது முதல் படத்திலேயே முத்திரை நடிப்பால் ஜொலித்தவர். அதற்கடுத்து வந்த படங்களிலும் தொடர்ந்து திறமையான நடிப்பை வெளிப்படுத்தி வருகிறார்.
இந்நிலையில், நம்பர் படத்தில் இரண்டு நாயகர்களில் ஒருவராக நடித்திருந்தார் இந்த ரூட்டு நடிகர். படத்தில் காதல் மன்னனாக மட்டுமே நடித்துள்ள இவரது கதாபாத்திரம் ரசிகர்கள் மத்தியில் அவ்வளவாக எடுபடவில்லை.
மாறாக படத்தின் மற்றொரு நாயகனான, நீண்ட நாட்களுக்கு பிறகு மீண்டும் நடிக்கத் தொடங்கி இருக்கும் நடிகையின் தம்பி நடிகருக்கும் பாராட்டுக்கள் குவிகிறதாம். இதனால் ரூட்டு நடிகர் அப்செட்டில் இருக்கிறாராம்.
படத்தில் தன்னை விட தம்பி நடிகருக்கு அதிக முக்கியத்துவம் கொடுத்ததாகக் கூறி, பட புரொமோஷன் நிகழ்ச்சிகளில் கூட கலந்து கொள்ளவில்லையாம் ரூட்டு.
Post a Comment