சென்னை: உத்தமவில்லன் திரைப்படம் ரிலீசாகும் அன்று ரஜினி மகள் ஐஸ்வர்யா இயக்கிய வைராஜா வை திரைப்படம் வெளியாகிறது. அடுத்த வாரமே, ஜோதிகா நடிப்பில் 36 வயதினிலே படமும் ரிலீஸ் ஆகிறது.
பாரதிராஜா இயக்கத்தில் வெளியாகி பட்டையை கிளப்பிய திரைப்படம் 16 வயதினிலே. அப்படத்தின் நாயகன் கமல்ஹாசன், நடித்து, ரமேஷ் அரவிந்த் இயயக்கத்தில் மே 1ம் தேதி ரிலீசாக போகும் படம் உத்தம வில்லன்.
இந்த படத்துக்கு போட்டியாக அதே நாளில் ரஜினி மகள் ஐஸ்வர்யா தனுஷ் இயக்கத்தில், கவுதம் கார்த்திக் நடிப்பில் வை ராஜா வை திரைப்படம் வெளியாகிறது. அதற்கு அடுத்தவாரம், அதாவது மே 8ம்தேதி ஜோதிகாவின் மறு பிரவேச படமான 36வயதினிலே ரிலீஸ் ஆகிறது.
கமல் படத்துக்கு, ஜோதிகா படம்தான் டஃப் ஃபைட் தரும் என்று கோடம்பாக்கத்தில் கிசுகிசுக்கின்றனர். 16 வயது நாயகனுக்கு 36 வயதினிலே போட்டியாக மாறப்போகிறது. இதில் யார் ஜெயிப்பார்கள் என்பதை பொறுத்திருந்து பார்ப்போம்.
Post a Comment