பாஸ்ட் அண்ட் ப்யூரியஸ் 7' வசூலில் புதிய சாதனைப் படைத்து வருகிறது.
உலகமெங்கும் இந்தப் படம் ரூ 6 ஆயிரத்து 329 கோடிக்கும் மேல் வசூல் செய்துள்ள நிலையில், தற்போது அதன் தொடர்ச்சியாக ‘பாஸ்ட் அண்ட் ப்யூரியஸ் 8' வெளியாகும் என்று அதிகாரப்பூர்வமாக அறிவிக்கப்பட்டுள்ளது.
யுனிவர்சல் ஸ்டூடியோஸ், அமெரிக்காவின் லாஸ் வேகாசில் உள்ள ‘சீசர்' அரண்மனையில் ‘சினிமா கான் 2015' என்ற விழாவினை நேற்று ஏற்பாடு செய்திருந்தது.
இதில் கலந்து கொண்ட நடிகர் ‘வின் டீசல்' இதுவரை நீங்கள் பார்த்திருக்காத வகையில் சிறப்பான ஒரு படத்தைக் கொடுக்க போகிறோம் என்று தொடங்கி பலத்த கைதட்டல்களுக்கிடையில் பாஸ்ட் அண்ட் ப்யூரியஸ் படத்தின் 8 வது பாகம் வெளியாகுமென்று அறிவித்தார்.
2017-ம் ஆண்டு ஏப்ரல் 14-ம் தேதி ரிலீசாகும் என்று ரிலீஸ் தேதியையும் விழா மேடையிலேயே அறிவித்துள்ளார்.
முன்னதாக இந்த ஏழாவது பாகம்தான் கடைசி என்று அறிவித்திருந்தனர். இப்போது அடுத்தடுத்த பாகங்கள் தொடரும் என்ற அறிவிப்பால் ரசிகர்கள் உற்சாகமடைந்துள்ளனர்.
Post a Comment