7/23/2011 11:45:15 AM
வாசன்ஸ் விஷூவல் வெஞ்சர் சார்பில் கே.எஸ்.சீனிவாசன் தயாரிக்கும் படம், 'வந்தான் வென்றான்'. ஜீவா, டாப்ஸி ஜோடி. முக்கிய வேடங்களில் நந்தா, சந்தானம், ரகுமான். ஒளிப்பதிவு, பி.ஜி.முத்தையா. இசை, தமன். பாடல்கள்: நா.முத்துக்குமார், கார்க்கி, தாமரை. வசனம், பட்டுக்கோட்டை பிரபாகர். ஆர்.கண்ணன் இயக்குகிறார். இப்படத்தின் பாடல் வெளியீட்டு விழா சென்னையில் நடந்தது. கே.எஸ்.சீனிவாசன் வரவேற்றார். எஸ்.ஏ.சந்திரசேகரன், பாலா இணைந்து வெளியிட்டனர். ஜெயம் ரவி பெற்றுக்கொண்டு பேசியதாவது:
இந்த விழாவில்தான் டாப்ஸியை பார்க்கிறேன். அவரை, பாலிவுட் ஹீரோயின் பிரீத்தி ஜிந்தா மாதிரி இருப்பார் என்று வர்ணிப்பார்கள். நேரில் பார்த்த பிறகு கருத்தை மாற்றிக்கொண்டேன். பிரீத்தி ஜிந்தாவை விட, ரொம்ப அழகாக இருக்கிறார். ஜீவாவும், நானும் நண்பர்கள். எட்டு வருடங்களுக்கு முன் எப்படி பழகினாரோ, இப்போதும் அதுபோல்தான் பழகுகிறார். எந்த நிலையிலும் ஒரேமாதிரி இருக்க வேண்டும் என்ற குணத்தை அவரிடம் கற்றுக்கொண்டேன். ஜீவாவுக்கு 'கோ' படம் வெற்றி. அடுத்து 'ரவுத்திரம்', 'வந்தான் வென்றான்' படங்களும் வெற்றிபெற வாழ்த்துகிறேன். இவ்வாறு ஜெயம் ரவி பேசினார். விழாவில் எடிட்டர் மோகன், பிரமிட் நடராஜன், சத்யஜோதி தியாகராஜன், கே.முரளிதரன், டி.சிவா, கே.ராஜன், எல்.சுரேஷ், சுசீந்திரன், சீனு ராமசாமி, தம்பி ராமய்யா, சமுத்திரக்கனி, ராஜேஷ்.எம் உட்பட பலர் கலந்துகொண்டனர். ஆர்.கண்ணன் நன்றி கூறினார். நிகழ்ச்சியை சின்மயி தொகுத்து வழங்கினார்.
Post a Comment