மும்பை: விஸ்வரூபம் படத்தின் இந்திப் பதிப்பு இன்று வட இந்தியாவில் வெளியாகிறது. 600 அரங்குகளுக்கும் மேல் இந்தப் படம் வெளியாவதாக கமல் தெரிவித்துள்ளார்.
தமிழகத்தில் ‘விஸ்வரூபம்' படத்துக்கு தடை விதிக்கப்பட்டு, அந்தப் பிரச்னை இன்னும் முடியாத நிலையில், இந்தியில் அப் படத்தை ரிலீஸ் செய்கிறார் கமல். அதனுடன் தமிழ்ப் பதிப்பையும் வட இந்தியாவில் வெளியிடுகிறார்.
மும்பை மற்றும் புறநகர் பகுதிகளில் சுமார் 600 தியேட்டர்களுக்கும் மேல் இந்தப் படம் ரிலீசாகிறது.
டெல்லி, புறநகர் பகுதிகளான நொய்டா, குர்கான், பரீதாபாத் உள்ளிட்ட பகுதிகளில் 20 தியேட்டர்களில் இந்தப் படம் வெளியாகிறது. மத்தியபிரதேசம், பீகார், ராஜஸ்தான், மேற்குவங்கம், பஞ்சாப், ஒடிசா மாநிலங்களிலும் குறிப்பிட்ட நகரங்களில் படம் வெளியாகிறது.
உத்தரப்பிரதேசத்தில் இந்தப் படத்துக்கு மாநில அரசே தடை விதிக்கக் கூடும் என்று கூறப்பட்டுள்ளதால், அங்கு படம் வெளியாவது குறித்து எந்தத் தகவலும் இல்லை.
Post a Comment