விஷ்ணுவர்தன் இயக்கத்தில் அஜீத் நடிக்கும் பெயரிடப்படாத படத்தின் ஷூட்டிங் இன்னும் முடிந்தபாடில்லை.
இதன் இறுதிப்பகுதி காட்சிகளில் சில மகாபலேஷ்வர் அருகே படமாக்கப்பட்டு வருகிறது. இதில் அஜீத் பங்கேற்று நடித்து வருகிறார்.
பெயரே வைக்காத படத்துக்கு ட்ரைலரை வெளியிட்டுள்ள இயக்குநர் விஷ்ணுவர்தன் இதுகுறித்துக் கூறுகையில், "பெயர் வைக்காமல் ஒரு படத்தை ஆடியோ வெளியீடு வரை கொண்டு வருவது த்ரில்லாகத்தான் உள்ளது (ஆக ஏற்கெனவே பேர் வச்சிட்டீங்க!). சமீபத்தில் மத்திய பிரதேசத்தில் உள்ள சில அருமையான இடங்களில் சில காட்சிகளைப் படமாக்கினோம். இப்போது மகாபலேஷ்வருக்கு வந்திருக்கிறோம்," என்றார்.
இந்த ஷூட்டிங் முடிந்த பிறகு ஜெய்சால்மர், லெஹ் மற்றும் லடாக் பகுதியில் ஷூட்டிங் நடத்தப் போகிறார்களாம்.
மறுபடியும் முதல்லருந்தா!
Post a Comment