சென்னை: விஷ்ணுவர்தன் இயக்கத்தில் அஜீத் நடித்துள்ள படத்தின் தலைப்பை இன்று மாலை இறுதி செய்கிறார்களாம்.
விஷ்ணுவர்தன் இயக்கத்தில் அஜீத், நயன்தாரா, ஆர்யா, டாப்ஸி நடித்துள்ள படத்தின் ஷூட்டிங் கடந்த 3 நாட்களுக்கு முன்பு முடிந்தது. படம் முடிந்து போஸ்ட் புரடக்ஷன் வேலைகளும் ஜரூராக நடந்தும் இன்னும் படத்தின் தலைப்பை மட்டும் விஷ்ணுவர்தன் சொல்ல மாட்டேன் என்று அடம்பிடிக்கிறார்.
படத்தில் அஜீத் ஹேக்கராக வருவதால் தலைப்பு வலை என்று இருக்கும் என்று கூறப்பட்டது. ஆனால் சம்பந்தப்பட்டவர்கள் அதை மறுத்துவிட்டனர். அப்படி என்றால் படத்தின் தலைப்பு தான் என்ன, அதை தயவு செய்து சொல்லுங்களேன் என்று ரசிகர்கள் கெஞ்சாத குறையாத வெகுநாட்களாக கேட்டுக் கொண்டிருக்கின்றனர். தலைப்பை வைக்காவிடில் பேசாமல் அஜீத் 53 என்றாவது தலைப்பு கொடுங்கள் என்று ரசிகர்கள் தெரிவித்துள்ளனர்.
இந்நிலையில் அஜீத் படத்தின் தலைப்பு இன்று மாலை இறுதி செய்யப்படுகிறதாம். அப்படி என்றால் விரைவில் தலைப்பை அறிவித்துவிடுவார்கள் என்று எதிர்பார்க்கலாம். விஜய்யின் தலைவா படத்தை வெளியிடும் வேந்தர் மூவிஸ் தான் அஜீத்தின் பெயரிடப்படாத படத்தையும் வெளியிடும் என்று கோலிவுட்டில் கிசுகிசுக்கப்படுகிறது.
Post a Comment