தமிழ் சினிமாவில் தொடர்ந்து வாய்ப்புகள் கிடைக்காத காரணத்தால், தன் பெயரை அனுஷா என்று மாற்றிக் கொண்டுள்ளார் சுனைனா.
காதலில் விழுந்தேன் படத்தில் அறிமுகமான சுனைனா, தொடர்ந்து குறிப்பிடத்தக்க படங்களில் நடித்தார். வம்சம், சமர், நீர்ப்பறவை போன்ற படங்களில் அவர் நடித்திருந்தார்.
நல்ல பெயர் கிடைத்தாலும் தொடர்ந்து வாய்ப்புகள் கிடைக்காததால், கோடம்பாக்கத்தில் நடிகைகள் வழக்கமாக செய்யும் வேலையைச் செய்துள்ளார் சுனைனா.
அதுதான் நியூமராலஜிப்படி பெயர் மாற்றுவது. இதுவரை சுனைனா என்ற பெயரில் நடித்து வந்த அவர், இனி அனுஷா என்ற பெயரில் நடிக்கப் போகிறாராம்.
தான் இப்போது நடித்து வரும் நம்பியார் படத்திலிருந்து இந்தப் புதிய பெயரை டைட்டிலில் போடுமாறு கேட்டுக் கொண்டுள்ளார் சுனைனா.
"இந்தப் பெயர் என் பெற்றோர்களின் தேர்வு. இனி அதிகாரப்பூர்வமாக என் பெயர் அனுஷாதான். புதிய நம்பிக்கை மற்றும நல்ல வாய்ப்புகளை இந்த பெயர் மாற்றம் தரும் என நம்புகிறேன்," என்று தெரிவித்துள்ளார் அனுஷா.
Post a Comment