கணவர் திலீப்பிடமிருந்து பிரிந்து வந்த பிறகு நடிகை மஞ்சு வாரியருக்கு வாய்ப்புகள் குவிகின்றன.
தமிழில் நடிகர் சூர்யாவுக்கு ஜோடியாக நடிக்கவும் அவரைக் கேட்டுள்ளதாக தகவல் வெளியாகியுள்ளது.
பிரபல மலையாள நடிகை மஞ்சு வாரியர், நடிகர் திலீப்பை காதலித்து திருமணம் செய்து கொண்டு, ஒரு குழந்தைப் பெற்ற பிறகு பிரிந்து, விவாகரத்துக்கும் மனுச் செய்துவிட்டார்.
இப்போது மஞ்சு வாரியர் மீண்டும் நடிக்க ஆரம்பித்துள்ளார். சமீபத்தில் அவர் நடித்து வெளியான மலையாளப் படம் நல்ல வரவேற்பைப் பெற்றுள்ளது.
இதைத் தொடர்ந்து மஞ்சு வாரியருக்கு மலையாளம், தெலுங்கு மொழிகளில் ஏராளமான வாய்ப்புகள் வந்துள்ளன. நாகார்ஜூனா, நானி போன்றவர்களுடன் ஜோடியாக நடிக்க அழைப்பு வந்துள்ளதாம்.
தமிழிலோ, நடிகர் சூர்யாவுடன் நடிக்கக் கேட்டுள்ளார்களாம்.
மலையாளத்தில் மோகன் லால் உள்பட முன்னணி நடிகர்களுக்கு ஜோடியாக நடிக்க பேச்சு நடந்து வருகிறதாம்.
Post a Comment