ஆர் பார்த்திபன் இயக்கியுள்ள கதை திரைக்கதை வசனம் இயக்கம் படம் வரும் ஆகஸ்ட் 29-ம் தேதி வெளியாகிறது.
நடிகரும் இயக்குனருமான பார்த்திபன், வித்தகன் படத்துக்குப் பிறகு இப்போது மஇயக்கியிருக்கும் படம் ‘கதை திரைக்கதை வசனம் இயக்கம்'. இப்படத்தில் பார்த்திபன் நடிக்கவில்லை. புதுமுகங்கள் நடித்திருக்கின்றனர்.
மேலும் இதில் ஆர்யா, விஷால், பரத், விஜய் சேதுபதி, டாப்ஸி, அமலாபால், சினேகா உள்ளிட்ட முன்னணி நட்சத்திரங்கள் சிறப்பு தோற்றத்தில் நடித்துள்ளனர்.
சமீபத்தில் வெளியான இப்படத்தில் பாடல்களும் முன்னோட்டக் காட்சிகளும் ஆரம்ப கால பார்த்திபன் படங்களில் இருந்த ஒரு அழுத்தம் மற்றும் வித்தியாசத்தைக் காட்டுவதாக இருந்தன.
படத்துக்கு தணிக்கை குழுவினர் யு சான்றிதழ் வழங்கியுள்ளனர். இந்தப் படம் நாளை ஆகஸ்ட் 1-ம் தேதி இப்படம் வெளியாகும் என முதலில் அறிவிக்கப்பட்டது.
ஆனால் நாளை சித்தார்த்தின் ‘ஜிகர்தண்டா', ‘சரபம்' மற்றும் சண்டியர் படங்கள் வெளியாவதால் தியேட்டர்கள் கிடைப்பதில் சற்று சிக்கல் ஏற்பட்டது. எனவே இப்படத்தை ஆகஸ்ட் 29-ம் தேதி வெளியிட முடிவு செய்துள்ளனர்.
Post a Comment