மலையாள மெகா ஸ்டார் மம்முட்டியின் தங்கை மகன் அஸ்கர் தமிழில் நாயகனாக அறிமுகமாகிறார். இந்தப் படத்துக்கு 6 பிஎம் டு 6 ஏஎம் என்று தலைப்பிட்டுள்ளனர்.
பி.கே. ஜேம்ஸ் அண்ட் திலகேஸ்வரி மூவிஸ் சார்பில் பி.கே. ஜேம்ஸ், ஷீலாகுரியன் இப்படத்தை தயாரிக்கிறார்கள். ஜெய்பால் ஷண்டுகம் ஒளிப்பதிவு செய்து இயக்குகிறார். கே.ஏ.லத்தீப் இசையமைத்திருக்கிறார். எம்.டி.தமிழரசன் கதை, திரைக்கதை, வசனம் எழுதியிருக்கிறார்.
நாயகிகளாக சூரிய கிரண், கௌரி கிருஷ்ணா நடிக்கின்றனர். மேலும் நிழல்கள் ரவி, சபீதா ஆனந்த், மீரா கிருஷ்ணன், விஜய்மேனன் ஆகியோரும் நடிக்கின்றனர்.
மாலை 6 மணியில் இருந்து காலை 6 மணிவரை ஒரே இரவில் நடந்து முடியும் நிகழ்ச்சிகள்தான் படம்.
காதல், அமானுஷ்யம் கலந்து உருவாக்கப்படும் இந்தப் படத்தின் கதை இதுதான்:
இரு உயிர் தோழிகளுக்கு ஒரு காதலன் கிடைக்கின்றான். இதனால் தோழிகளுக்குள் போட்டி பொறாமை ஏற்படுகிறது.
இருவரில் ஒரு பெண் இன்னொரு பெண்ணையும் அவன் காதலனையும் கொன்று விட்டு தன்னையும் அழிக்கிறார்.
காதல் ஜோடி இன்னொரு ஊரில் மறுபிறவி எடுக்கின்றனர். அவர்களை மீண்டும் கொல்வதற்கு அப்பெண் ஆவியாக வருகிறாள். ஆவியிடம் சிக்கும் காதல் ஜோடியின் நிலைதான் க்ளைமாக்ஸ்.
Post a Comment