மும்பை: பி.கே. திரைப்படத்தின் சர்ச்சைக்குரிய ஆபாச படத்தை அமீர்கான் நீக்கம் செய்ய வேண்டும் என்று காங்கிரஸ் எம்.எல்.ஏ.கிருஷ்ணா ஹெக்டே தெரிவித்து உள்ளார்.
பாலிவுட் சூப்பர் ஸ்டார் அமீர்கான் நடிக்கும் ‘பி.கே' திரைப்படத்தில், அவர் நிர்வாணத்துடன் போஸ் கொடுக்கும் காட்சி இடம்பெற்று உள்ளது. சமீபத்தில், இந்த புகைப்படங்கள் இணையதளம் மற்றும் பத்திரிகைகளில் வெளியாகி பரபரப்பை ஏற்படுத்தின. இது ஆங்கிலப்படத்தின் அப்பட்ட காப்பி என்பதும் தெரியவந்தது.
அதேசமயம், இந்தப் போஸ்டர் ஆபாசம் இல்லை என்றும், பி.கே. திரைப்படத்தை விளம்பரப்படுத்தும் நோக்கத்தில் இந்த போஸ்டரை வெளியிடவில்லை என்று நடிகர் அமீர்கான் தெரிவித்தார்.
இந்நிலையில், சர்ச்சைக்குரிய ஆபாச படத்தை பி.கே. படத்தில் இருந்து நீக்க வேண்டும் என்று வில்லேபார்லே காங்கிரஸ் எம்.எல்.ஏ. கிருஷ்ணா ஹெக்டே வலியுறுத்தி உள்ளார். இது தொடர்பாக மும்பையில் அவர் செய்தியாளர்களுக்கு அளித்த பேட்டியில்,
அமீர்கானின் ஆபாச படங்கள் செய்தித்தாள்களிலும், தொலைக்காட்சிகளிலும் வெளியாகின. அவற்றை குழந்தைகளும், குடும்பத்தினரும் பார்ப்பார்கள் என்பதை அவர் நினைவில் கொள்ள வேண்டும்.
அந்த போஸ்டர் அறுவெறுக்கத்தக்கதாக இருக்கிறது என்பதை ஊடகங்கள் மூலம் நான் அமீர்கானுக்கு தெரியப்படுத்துகிறேன். மேலும், அவை எதார்த்தங்களை அவமதிக்கின்ற காரணத்தால் சர்ச்சைக்குரிய அந்த ஆபாச காட்சிகளை படத்தில் இருந்து நீக்க வேண்டும் என்பதை வலியுறுத்தி,) மும்பையில் அமீர்கானின் நிர்வாண படம் அடங்கிய கட்-அவுட்டுக்கு ஆடைகள் அணிவித்து எங்கள் எதிர்ப்பை வெளிப்படுத்துவோம். என்று எம்.எல்.ஏ. கிருஷ்ணா ஹெக்டே தெரிவித்தார்.
Post a Comment