புதிய பட வாய்ப்புகள், சம்பள உயர்வு என தமிழ் சினிமா கொண்டாடுவதால் தோல் நடிகை, தனது காதலரான புத்த நடிகரிடம் இப்போதைக்கு கல்யாணம் வேண்டாம் எனச் சொல்லி விட்டாராம்.
இருவரும் ஆம் என்றும் சொல்லாமல், இல்லையென்றும் மறுக்காமல் இருந்தாலும், தோல் நடிகை - புத்த நடிகரின் காதலை அவ்வப்போது ஊடகங்கள் ஆதாரத்துடன் கூறிக் கொண்டே தான் இருக்கின்றன. இதற்கிடையே கடந்தாண்டு நடிகை திடீரென படவாய்ப்புகளைக் குறைக்கிறார், எனவே விரைவில் டும் டும் டும் தான் என தகவல் வெளியானது.
ஆனால், வெற்றிப்படங்களைத் தராத நடிகை என ஒதுக்கி வைத்திருந்த தமிழ் சினிமா திடீரென நடிகையிடம் சரணடைந்தது. முன்னணி நாயகர்கள் இருவரின் படத்தில் ஜோடி சேர்ந்தார் நடிகை. இதனால், அவரது சம்பளமும் எகிறியது.
எனவே, அவரது நலம் விரும்பிகள் சிலர் இப்போதைக்கு திருமணம் செய்து கொள்ளாதே, காற்றுள்ள போதே தூற்றிக் கொள் என அறிவுரை கூறியிருப்பார்கள் போலும், நடிகையும் தனது காதலரிடம் திருமணத்தை தள்ளி வைத்துக் கொள்ளலாம் என கறாராக கூறி விட்டாராம். இதனால், நடிகர் காதலி மீது கோபத்தில் இருக்கிறாராம்.
மேலும், தமிழில் ஒரு ரவுண்ட் வந்தே தீருவது என்ற முடிவுடன், நடிகையின் கவர்ச்சி அவதாரமும், காதலரை முகம் சுளிக்க வைத்துள்ளதாம்.
Post a Comment