வெஸ் ஆன்டர்சன் இயக்கிய 'தி கிராண்ட் புடாபெஸ்ட் ஹோட்டல்' சிறந்த படத்துக்கான கோல்டன் குளோப் விருதினைப் பெற்றுள்ளது. இசை மற்றும் காமெடிப் பிரிவில் இந்த விருது வழங்கப்பட்டுள்ளது.
சர்வதேச அளவில் மிகவும் மதிப்பு மிக்க 72வது கோல்டன் குளோப் விருதுகள் வழங்கும் விழா நேற்று இரவு நடந்தது.
இந்த விழாவில் காமெடி மற்றும் இசைப் பிரிவில் சிறந்த படமாக தி கிராண்ட் புடாபெஸ்ட் ஹோட்டல் படம் தேர்வு செய்யப்பட்டது.
இந்தப் படத்தில் ரால்ப் ஃபென்ஸ் நடித்துள்ளார். ஜூப்ரோகா என்ற கற்பனையான ஒரு நாட்டில் உள்ள ஹோட்டல் அதிபரைச் சுற்றி நிகழும் கதை இந்தப் படம். அட்ரின் பிராடி, எட்வர்ட் நார்டன், ஜெப் கோல்ட்ப்ளம் உள்ளிட்டோர் நடித்துள்ளனர்.
கடந்த ஆண்டு இந்த விருது டேவிட் ஓ ரஸ்ஸல் இயக்கிய அமெரிக்கன் ஹஸ்ஸில் படத்துக்கு வழங்கப்பட்டது.
Post a Comment