7/20/2011 11:54:09 AM
ஹாலிவுட் குழந்தைகள் படமான 'ஸ்பை கிட்ஸ்', இதுவரை 3 பாகங்கள் வெளிவந்துள்ளது. இதன் 4வது பாகம், '4-டி' தொழில்நுட்பத்தில் வெளிவருகிறது. தமிழில் இதற்கு, 'சுட்டி உளவாளிகள்' என்று பெயர் வைத்துள்ளனர். பொதுவாக 3-டி படம் என்பது காட்சிகளை முப்பரிமாணத்தில் பார்க்கும் முறை. 4டி என்பது காட்சியின் தன்மையை உணர்வது. இதை, '4டி அரோமா ஸ்கோப்' என்கிறார்கள். அதாவது படம் பார்க்க செல்வதற்கு முன், 'அரோமா அட்டை' ஒன்றை தருவார்கள். அதில் 8 எண்கள் இருக்கும். படம் பார்க்கும்போது, சில காட்சிகளில், எண்கள் திரையில் தோன்றும். அதே எண்ணை அட்டையில் உரசினால், அந்த காட்சி தொடர்பான வாசனை வரும். இப்புதிய முயற்சி இப்போதுதான் அறிமுகப்படுத்தப்படுகிறது. ஜெசிகா ஆல்பா, ஜெரிமி பிவென், ஜோல் மிகேலே உட்பட பலர் நடித்துள்ள இந்தப் படத்தை, ராபர்ட் ராட்ரிக்ஸ் இயக்கியுள்ளார். ஆகஸ்ட் 19-ம் தேதி ரிலீஸ் ஆகிறது.
Post a Comment