மதுபான விளம்பரம்... நடிக்க மறுத்த ஸ்ரேயா

Thursday, 22 September 2011 15:51 | Posted by Tamil

மதுபான விளம்பரப் படம் ஒன்றில் நடிக்க வந்த அழைப்பை நிராகரித்து புருவம் உயர்த்த வைத்துள்ளார் நடிகை ஸ்ரேயா.

இன்றைக்கு சினிமாவை விட அதிக பணம் கொட்டுவது விளம்பரப் படங்கள் மூலம்தான்.

ஒரு நாள் அல்லது இரண்டு நாளில் ஷூட்டிங்கிலோயே ஒரு பெரிய படத்தில் கிடைப்பதை விட அதிக சம்பளம் கிடைத்துவிடும்.

ஸ்ரேயாவுக்கு ஒரு படத்துக்கான சம்பளம் அதிகபட்சம் ரூ 50 லட்சம்தான். ஆனால் சமீபத்தில் ரூ 1 கோடி சம்பளத்தில் மதுபான விளம்பரம் ஒன்றில் நடிக்கும் வாய்ப்பு கிடைத்தது.

ஆனால் இந்தப் படத்தில் நடிக்க மறுத்துவிட்டாராம் ஸ்ரேயா. "பணம் மட்டுமே முக்கியமல்ல. மனசாட்சிக்கு விரோதமான, மக்களுக்குப் பிடிக்காத எந்த விளம்பரத்திலும் நான் நடிக்க மாட்டேன்," என்று காரணம் கூறினாராம் ஸ்ரேயா.

கிரேட்!