'இளைய தளபதி' விஜயை வைத்து இயக்குனர் ஏ.எல். விஜய் எடுக்கும் படத்தில் பாடகர் யேசுதாஸின் மகனும், பாடகருமான விஜய் யேசுதாஸ் வில்லனாக நடிக்கிறார்.
இயக்குனர் ஏ.எல்.விஜய் தனது தாண்டவம் படத்திற்கு அடுத்து நடிகர் விஜயை வைத்து படம் ஒன்றை எடுக்கிறார். தற்போது தாண்டவம் முடிந்துவிட்ட நிலையில் விஜயின் படத்திற்கு நடிகர், நடிகைகளைத் தேர்வு செய்து வருகிறார் இயக்குனர்.
ஒரே படத்தில் 3 விஜய் இருந்தால் எப்படி இருக்கும் என்று நினைத்தாரோ என்னவோ, விஜய்க்கு வில்லனாக இதுவரை நமக்கு பாடகராக மட்டுமே தெரிந்த விஜய் யேசுதாஸை ஒப்பந்தம் செய்துள்ளார். இந்த படத்தின் மூலம் விஜய் யேசுதாஸ் நடிகராகிறார். இந்த புதிய படம் வரும் நவம்பர் மாதம் ரிலீஸ் ஆகும் என்று எதிர்பார்க்கப்படுகிறது.
விஜயுடன் நடிக்க வேண்டும் என்ற தனது ஆசையை லக்ஷ்மி ராயை இயக்குனர் விஜயிடம் தெரிவித்தபோது நிச்சயம் உங்களை அவருடன் நடிக்கை வைக்கிறேன் என்று உறுதியளித்தார். அப்போ இந்த படத்தில் லக்ஷ்மி ராய் இருக்கிறாரா?
Post a Comment