பாலிவுட் திரைப்படத்தில் சுருதிஹாசனை மறுபிரவேசம் செய்கிறார் நடனக்கலைஞரும் இயக்குநருமான பிரபுதேவா. இதில்தான் ஸ்ருதியின் நடனத்தைப் பார்த்து அசந்து நளினமான நடனம் அசத்தலோ அசத்தல் என்று புகழ்ந்து தள்ளியுள்ளார் பிரபுதேவா.
ஸ்ருதிஹாசன் கமலின் மகள் என்பதையும் தாண்டி தனித் திறமையுடன் திகழ்கிறார். உடலை கச்சிதமாக பாதுகாப்பதோடு நடிப்பிலும் தனிகவனம் செலுத்துகிறார் என்று கூறியுள்ளார். நடனத்தைப் பொறுத்தவரை ஸ்ருதிக்கு அதிகம் கற்றுக்கொள்ளவேண்டும் என்ற ஆர்வம் இருக்கிறது. எந்த ஒரு நடனத்தையும் நளினமாக, அழகாக வெளிப்படுத்துகிறார் என்றும் புகழ்ந்துள்ளார் பிரபுதேவா. உனக்கும் எனக்கும் படத்தின் ரீமேக் இந்தியில் தயாராக உள்ளது. அதில்தான் ஸ்ருதி நடிக்க இருக்கிறார். சல்மான்கான் இதில் முக்கிய வேடத்தில் நடிக்க இருக்கிறார்.
இதனிடையே ஸ்ருதி ஏற்கெனவே முறையான நடனப் பயிற்சி பெற்றிருந்தாலும் இந்தப் படத்துக்காக பிரபுதேவாவிடம் தீவிரமாக நடனம் கற்று வருகிறாராம் இதனை அவரே டிவிட்டரில் குறிப்பிட்டுள்ளார். பிரபுதேவாவுடனான நடனப் பயிற்சி, மனதுக்கு நிறைவாகவும் புத்துணர்ச்சி அளிப்பதாகவும் கூறியுள்ளார் ஸ்ருதி. இருவரும் மாறி மாறி கூறிக்கொள்வதைப் பார்த்தால் நிஜமாகவே சம்திங் சம்திங் ஆகாமல் இருந்தால் சரிதான்.
Post a Comment