விஜய் நடித்த தலைவா படம் ஆகஸ்ட் 9ல் ரிலீஸ் ஆகும் என்று ஐங்கரன் நிறுவனம் அறிவித்துள்ளது.
துப்பாக்கி படத்திற்குப் பின்னர் நடிகர் விஜய் நடிக்கும் படம் தலைவா. இயக்குநர் ஏ.எல்.விஜய் இயக்கும் இப்படத்தில் முதல் முறையாக விஜய்யுடன் அமலாபால் ஜோடி சேர்ந்துள்ளார்.
ஆக்ஷ்ன் மற்றும் த்ரில்லராக உருவாகியுள்ள இப்படத்தின் படப்பிடிப்பு முடிந்து போஸ்ட் புரொடக்ஷ்ன் வேலைகள் நடந்து வந்தன. ஜூன் 22ம் தேதி விஜய் பிறந்தநாளின் போது தலைவா படத்தின் ஆடியோவும், டிரைலரும் வெளியிடப்பட்டது. பாட்டும் சரி, டிரைலரும் சரி ரசிகர்களிடம் நல்ல வரவேற்பு பெற்றுள்ளது.
தலைவா படத்தில் விஜய் உடன் இந்தி நடிகை ராகிணியும் இணைந்துள்ளார். இவர்களுடன் சந்தானம், ராஜிவ் பிள்ளை, அபிமன்யூ சிங், சுரேஷ், பொன்வண்ணன் உள்ளிட்ட பலர் நடித்துள்ளனர். இப்படத்திற்கு ஜி.வி.பிரகாஷ் குமார் இசையமைத்துள்ளார்.
ஆகஸ்ட் 9ல் ரிலீஸ்
இந்நிலையில் தலைவா படம் வருகிற ஆகஸ்ட் 9ம் தேதி ரிலீஸ் ஆகும் என்று ஐயங்கரன் இண்டர்நேஷனல் பிலிம் நிறுவனம் அறிவித்துள்ளது.
ஸ்ரீ மிஸ்ரி புரொடக்ஷ்ன்ஸ் சார்பில் சந்திரபிரகாஷ் ஜெயின் தயாரித்துள்ள தலைவா படத்தினை தமிழகத்தில் வேந்தர் மூவிஸ் வெளியிடுகிறது. தமிழகம் தவிர்த்து வெளிநாடுகளில் ஐயங்கரன் நிறுவனம் வெளியிடுகிறது.
Post a Comment