சென்னை: தமிழ் சினிமா பாக்ஸ் ஆபீஸில் தொடர்ந்து இரண்டாவது வாரமாக முதலிடத்தில் உள்ளது தனுஷின் வேலையில்லா பட்டதாரி.
கடந்த வாரம் வெளியான இந்தப் படம் பெரிய வெற்றியைப் பெற்றுள்ளது. கடந்த நான்கு ஆண்டுகளில் தனுஷுக்குக் கிடைத்துள்ள மிகப் பெரிய வெற்றிப் படமாக இது பார்க்கப்படுகிறது.
சென்னையிலும் தொடர்ந்து வேலையில்லா பட்டதாரியே முதலிடத்தில் உள்ளது.
தமிழ் பாக்ஸ் ஆபீஸ் நிலவரம்
வேலையில்லா பட்டதாரி
வேலையில்லா பட்டதாரி வெளியாகி பத்து நாட்களாகிறது. இந்த நாட்களில் மொத்தம ரூ 21 கோடியை இந்தப் படம் வசூலித்துள்ளது. சென்னையில் மட்டும் ரூ 3.5 கோடி வசூலாகியுள்ளது வேலையில்லா பட்டதாரிக்கு.
சதுரங்க வேட்டை
நட்டு என்கிற நட்ராஜ் ஹீரோவாக நடித்துள்ள சதுரங்க வேட்டை ஒரு ஆச்சர்ய ஹிட் படம். மனோபாலாவின் முதல் தயாரிப்பாக வந்துள்ள இந்தப் படம், வேலையில்லா பட்டதாரிக்கு இணையாக ஓடிக் கொண்டிருக்கிறது.
திருமணம் எனும் நிக்காஹ்
ரம்ஜான் ஸ்பெஷலாக கடந்த வியாழக்கிழமை வெளியான படம் திருமணம் எனும் நிக்காஹ். போட்டிகளே இல்லாத சூழல். படம் சிறப்பாக வந்திருந்தால் வசூலை அள்ளியிருக்கும். ஆனால் அந்த வாய்ப்பை இழந்து, மூன்றாமிடத்தில் உள்ளது இந்தப் படம்.
அரிமா நம்பி
விக்ரம் பிரபு நடித்துள்ள அரிமா நம்பி வெளியாகி நான்கு வாரங்கள் ஆகிவிட்டன. ஓரளவு நல்ல வசூலையும் பார்த்துவிட்டது.
இருக்கு ஆனா இல்ல
கேஎம் சரவணன் இயக்கத்தில் வெளியான படம் இருக்கு ஆனா இல்ல. தமிழ் சினிமாவின் சமீபத்திய ட்ரெண்டான பேய்க் காமெடி. பார்க்கக் கூடிய அளவுக்கு இருந்தாலும், ஏகப்பட்ட படங்கள் ரிலீஸானதில் இந்தப் படத்துக்கு மூச்சுத் திணறிவிட்டது.
Post a Comment