சென்னை: சிம்புதேவன் இயக்கத்தில் விஜய் நடித்து வரும் படத்தின் பெயர் 'புலி' என அதிகார்பூர்வமாக அறிவிக்கப் பட்டுள்ளது.
கத்தி படத்தைத் தொடர்ந்து சிம்பு தேவன் இயக்கத்தில் நடித்து வருகிறார் விஜய். இப்படத்தில் விஜய்க்கு ஜோடியாக ஹன்சிகா, ஸ்ருதிஹாசன் என இரண்டு நாயகிகள். இது தவிர நீண்ட காலத்திற்குப் பிறகு மீண்டும் நேரடி தமிழ்ப்படமாக இப்படத்தில் ஸ்ரீதேவி நடித்து வருகிறார்.
தேவி ஸ்ரீபிரசாத் இசையமைத்து வரும் இப்படத்தை தமீன் பிலிம்ஸ் மற்றும் பி.டி.செல்வக்குமார் இணைந்து தயாரித்து வருகிறார்கள். நட்டி ஒளிப்பதிவு செய்து வருகிறார்.
ஈ.சி.ஆர் சாலையில் பிரம்மாண்ட அரங்குகள் அமைத்து இப்படத்தின் பாடல் மற்றும் சண்டைக்காட்சியை படமாக்கப் பட்டது.
இப்படத்தின் தலைப்பு மாரீசன், கருடா, போர்வால் என பல்வேறான யூகங்கள் உலா வந்தன. ஆனால், படக்குழு இன்னும் படத் தலைப்பு எதையும் இறுதி செய்யவில்லை. பொங்கல் அன்று படத் தலைப்பு டுவிட்டர் வாயிலாக வெளியிடப்படும் என்று அறிவித்திருத்தார்கள்.
இந்நிலையில், இன்று விஜய் - சிம்புதேவன் படத்தின் தலைப்பு 'புலி' என்று இறுதிசெய்யப்பட்டு இருப்பதாக அதிகாரப்பூர்வமாக அறிவித்திருக்கிறார்கள்.
கோடை விடுமுறையை ஒட்டி இப்படம் ரிலீஸ் செய்யப்பட உள்ளது. தமிழ், தெலுங்கு, இந்தி என மூன்று மொழிகளிலும் படத்தை ஒரே சமயத்தில் வெளியிட தயாரிப்பாளர்கள் முடிவு செய்திருக்கிறார்கள்.
Post a Comment