சென்னை: ரமேஷ் அரவிந்த் இயக்கத்தில் கமல்ஹாசன் நடித்துள்ள படம் உத்தமவில்லன். இப்படத்தின் ரசிகர்கள் காட்சி இன்று காலை ரத்தானது. தொடர்ந்து பேச்சுவார்த்தை நடந்து வருகிறது. விரைவில் படம் ரிலீசாகும் என தயாரிப்பாளர்கள் தரப்பில் தெரிவிக்கப் பட்டுள்ளது.
கமல் நடித்து இயக்குநர் லிங்குசாமி தயாரித்திருக்கும் படம் உத்தமவில்லன். நடிகர் ரமேஷ் அரவிந்த் இயக்கியிருக்கும் இப்படத்தில் கமலுக்கு ஜோடியாக ஆண்ட்ரியா, பூஜா குமார் நடித்துள்ளனர். இவர்கள் தவிர கே. பாலசந்தர், விஸ்வநாத், ஜெயராம், நாசர், ஊர்வசி, எம்.எஸ்.பாஸ்கர், பார்வதி, பார்வதி நாயர், சித்ரா லட்சுமணன் உட்பட பலர் நடித்துள்ளனர்.
இப்படம் தமிழகத்தில் மட்டும் 400 அரங்குகளில் வெளியாகிறது. சினிமா ரசிகர்கள் ஆவலுடன் எதிர்ப்பார்த்து கொண்டிருக்கும் பெரிய படங்களில் இதுவும் ஒன்று. இப்படத்தின் விளம்பரங்கள் ரசிகர்கள் மத்தியில் மிகுந்த எதிர்ப்பார்ப்பை ஏற்படுத்தியிருக்கிறது. அமோக டிக்கெட் முன்பதிவும் நடைபெற்றது.
இன்று இப்படம் திரைக்கு வருவதாக இருந்தது. ஆனால், திடீர் நிதி பிரச்சனையால் இப்படத்தின் முதல் காட்சி ரிலீஸ் ஆவதில் தாமதம் ஏற்பட்டது. காட்சிகள் ரத்தானதாக செய்திகளும் வந்தன. இதையடுத்து தயாரிப்பாளர்கள் தரப்பில் விசாரித்தபோது, பேச்சுவார்த்தை நடந்து வருகிறது. காலையில் ரசிகர்கள் காட்சி மட்டுமே ரத்தானது. விரைவில் படம் ரிலீசாகும் என அறிவிக்கப்பட்டுள்ளது.
உத்தமவில்லன் இதுவரை ரிலீஸ் ஆகாதா காரணத்தால் ரசிகர்கள் பெரும் ஏமாற்றமடைந்துள்ளனர்.
Post a Comment