இன்று உழைப்பாளர் தினத்தையொட்டி கமல் நடித்த உத்தம வில்லன் மற்றும் ரஜினி மகள் ஐஸ்வர்யா இயக்கிய வை ராஜா வை ஆகிய இரு படங்கள் திரைக்கு வருகின்றன.
உத்தம வில்லன் படத்தில் கமல் இரட்டை வேடங்களில் நடித்துள்ளார். 8-ம் நூற்றாண்டைச் சேர்ந்த கலைஞனாகவும், இந்த நூற்றாண்டைச் சேர்ந்த சூப்பர் ஸ்டார் நடிகராகவும் இந்தப் படத்தில் நடித்துள்ளார்.
மறைந்த இயக்குநர் கே பாலச்சந்தர் இந்தப் படத்தில் முக்கிய வேடத்தில் நடித்துள்ளார். திருப்பதி பிரதர்ஸ் - ராஜ் கமல் கூட்டாகத் தயாரித்துள்ளனர்.
ரமேஷ் அரவிந்த் இயக்கியுள்ள இந்தப் படம் தமிழகம் மற்றும் உலகெங்கும் 1500 அரங்குகளில் வெளியாகிறது.
வை ராஜா வை
ரஜினியின் மூத்த மகள் ஐஸ்வர்யா தனுஷ் இயக்கத்தில் உருவாகியுள்ள படம் வை ராஜா வை. கவுதம், ப்ரியா ஆனந்த் நடித்துள்ளனர். தனுஷ், எஸ் ஜே சூர்யா ஆகியோர் கவுரவ வேடத்தில் நடித்துள்ள இந்தப் படத்தை ஏஜிஎஸ் நிறுவனம் தயாரித்துள்ளது.
கமல் படம் வெளியானாலும், கவலைப்படாமல் தன் படத்தை வெளியிடுகிறார் ஐஸ்வர்யா. கமல் படத்துக்கு பெரிய அரங்குகள் ஒதுக்கப்பட்டதால், சிறு அரங்குகளைக் குறி வைத்து இந்தப் படத்தை வெளியிடுகிறார்.
Post a Comment