சென்னை: சண்டைக்கோழி பார்ட் 2 திரைப்படத்தில் நடிகை தமன்னா விஷாலுக்கு ஜோடியாக நடிக்க உள்ளதாக தகவல்கள் தெரிவிக்கின்றன.
கோலிவுட்டில் தற்போதைய புதிய டிரெண்ட் பார்ட்-2 படங்கள்தான். காஞ்சனா பார்ட்-2, கோ பார்ட் -2 , விஸ்வரூபம் பார்ட்-2 என்று புதிய குஸ்தியில் குதித்துள்ளது கோலிவுட்.
ஏற்கனவே, சில வருடங்களுக்கு முன்னர் லிங்குசாமி இயக்கத்தில் விஷால் நடித்த "சண்டக்கோழி" படம் மாபெரும் வெற்றிப் பெற்றது. தற்போது இப்படத்தின் இரண்டாம் பாகத்தை எடுக்க லிங்குசாமி முடிவு செய்துள்ளார். முதல் பாகத்தில் நடித்த விஷாலே இரண்டாம் பாகத்திலும் நடிக்கிறார்.
முதல் பாகத்தில் நாயகியாக நடித்த மீரா ஜாஸ்மின், சண்டக்கோழி இரண்டாம் பாகத்தில் முக்கிய வேடம் ஒன்றில் நடிக்க நாயகி தேர்வு நடைபெற்றுக் கொண்டிருந்தது. இந்த நிலையில், இப்படத்தில் நாயகியாக முதலில் லட்சுமி மேனன் பெயர் அடிப்பட்டது. பிறகு ஸ்ருதி ஹாசன் என்று கூறப்பட்டு வந்தது. இந்நிலையில் தற்போது நாயகியாக தமன்னாவை தேர்வு செய்திருப்பதாக தகவல் வெளியாகியுள்ளது.
தற்போது விஷால் பாயும் புலி படத்தில் நடித்து வருகிறார். இப்படம் முடிந்ததும் சண்டக்கோழி பார்ட் 2 படத்தில் நடிப்பார் என்று தகவல்கள் வெளியாகியுள்ளன.
Post a Comment