சென்னை: கமலின் புதிய படமான தூங்காவனம் படத்தில், அவன் இவன் படத்தில் ஆர்யாவின் ஜோடியாக நடித்த நடிகை மது ஷாலினி தற்போது நடித்துக் கொண்டிருப்பதாக தகவல்கள் வெளியாகியுள்ளன.
சில வருடங்களுக்கு முன் இயக்குநர் பாலா இயக்கி வெளிவந்த அவன் இவன் திரைப்படத்தில் நடிகர் ஆர்யாவின் ஜோடியாக நடித்தவர் அழகு நடிகை மது ஷாலினி. அந்த ஒரே படத்துடன் தமிழ் திரையுலகில் இருந்து காணாமல் போன மது ஷாலினியைத் தற்போது தெலுங்கு உலகம் தான் வாழ வைத்துக் கொண்டிருக்கிறது.
மது ஷாலினிக்கு தற்போது ஒரு ஜாக்பாட் அடித்துள்ளது. ஆமாம் 'நாயகன்' கமலின் தூங்காவனம் திரைப்படத்தில் தற்போது வாய்ப்புக் கொடுத்துள்ளார். படத்தில் த்ரிஷா தான் நாயகி என்றாலும் ஒரு முக்கியமான வேடத்தை மது ஷாலினிக்கு கொடுத்திருக்கிறாராம் கமல். தமிழ், தெலுங்கு என இருமொழிகளில் உருவாகி வரும் தூங்காவனத்தில் நாள்தோறும் யாராவது ஒருவரை புதிதாக நடிக்க வைக்கிறார் கமல்.
படத்தில் முதலில் வில்லனாக நடிகர் பிரகாஷ்ராஜ் மற்றும் நாயகியாக நடிகை த்ரிஷா என இருந்த நிலையில் தற்போது மற்றொரு வில்லனாக கன்னட நடிகர் கிஷோர் மற்றும் இன்னொரு நாயகியாக மது ஷாலினி சேர்க்கப்பட்டு இருப்பது குறிப்பிடத்தக்கது.
Post a Comment