சென்னை: நடிகை அனுஷ்கா தான் நடிக்கும் ராணி ருத்ரம்மா தேவி படத்திற்காக வாள் சண்டை கற்று வருகிறாராம்.
கால்ஷீட் விஷயத்தில் அனுஷ்கா ரொம்பவே கஞ்சம். யாருக்கும் ஒன்று சேர்ந்தால் போல 30 நாட்கள் கால்ஷீட் கொடுக்க மாட்டார். இந்நிலையில் தமிழ்-செலுங்கில் உருவாகும் சரித்திரப் படமான ராணி ருத்ரம்மா தேவி ஷூட்டிங்கிற்காக இந்தாங்க வச்சுக்கோங்க என்று 150 நாட்கள் கால்ஷீட் கொடுத்துள்ளார்.
ராணியாக நடிக்கும் அனுஷ்காவுக்கு கத்தி பிடிக்கும், வாள் சண்டை போடும் காட்சிகள் உள்ளன. படத்தில் அந்த காட்சிகள் தத்ரூபமாக வர அனுஷ்கா கத்தி பிடிக்கவும், வாள் சண்டை போடவும் சிறப்பு பயிற்சி எடுத்து வருகிறாராம். குணசேகர் இயக்கும் இந்த படத்திற்கு இசைஞானி இளையராஜா இசைமைக்கிறார். அஜய் வின்சென்ட் ஒளிப்பதிவை கவனிக்க, தேசிய விருது வாங்கிய ஸ்ரீகர் பிரசாத் எடிட்டிங்கை பார்த்துக் கொள்கிறார்.
ராணி ருத்ரம்மா தேவி படம் தனக்கு அருந்ததியை விட பெரிய பெயர் வாங்கிக் கொடுக்கும் என்று அனுஷ்கா நம்புகிறார்.
Post a Comment