கோலிவுட்டில் இந்த வெள்ளிக்கிழமை ரிலீஸாகவிருக்கும் புதிய படங்கள் கள்ளத்துப்பாக்கி மற்றும் சட்டம் ஒரு இருட்டறை.
கள்ளத்துப்பாக்கிக்கு புதிய அறிமுகமே தேவையில்லை. அவ்வளவு பப்ளிசிட்டியை பெற்றுவிட்டது, விஜய்யின் துப்பாக்கியுடன் மோதியதன் மூலம்.
முற்றிலும் புதியவர்கள் நடித்துள்ள இந்தப் படத்தை, ரவிதேவன் தயாரித்துள்ளார். லோகித்தாஸ் இயக்கியுள்ளார். சிறுவர்கள் கையில் துப்பாக்கி கிடைத்தால் என்னவாகும் என்பது கதை.
சட்டம் ஒரு இருட்டறை
இன்னொரு படம் சட்டம் ஒரு இருட்டறை. எண்பதுகளின் ஆரம்பத்தில் எஸ் ஏ சந்திரசேகர் இயக்கத்தில் வந்து, அவருக்கும் நடித்த விஜயகாந்துக்கும் திருப்புமுனை தந்தபடம். அதை கதையை இன்றைய சூழலுக்கேற்ப காட்சிகளை மாற்றி எடுத்திருக்கிறார்களாம்.
எஸ் ஏ சந்திரசேகரின் பேத்தி சினேகா பிரிட்டோ இயக்கியிருக்கிறார். ஆனால் கதை திரைக்கதை வசனம் இயக்க மேற்பார்வை எல்லாம் எஸ்ஏ சிதான்.
இந்த ஆண்டின் கடைசி வெள்ளிக்கு முந்தைய வெள்ளி இது. கடந்த வாரம் வெளியான இரு பெரிய படங்களும் முழுமையான நிறைவைத் தராத நிலையில், இன்று வெளியாகும் படங்களாவது தேறுமா... பார்க்கலாம்!
Post a Comment