ஜெக ஜால புஜபல தெனாலிராமன் படத்தில் வடிவேலுவுக்கு 42 மனைவிகள், 56 பிள்ளைகள் இருப்பது போல திரைக்கதை அமைக்கப்பட்டுள்ளதாம்.
இரண்டாண்டு இடைவெளிக்குப் பிறகு வடிவேலு நடித்து வரும் புதிய படம், ஜெக ஜால புஜபல தெனாலிராமன். இப்படத்தை யுவராஜ் இயக்குகிறார். ஏஜிஎஸ் நிறுவனம் தயாரிக்கிறது. டி.இமான் இசையமைக்கிறார்.
இதன் முதற்கட்ட படப்பிடிப்பை சென்னையில் நடத்தி முடித்துள்ளது படக்குழு. கிட்டத்தட்ட 40 சதவீத காட்சிகள் எடுத்து முடிக்கப்பட்டுவிட்டன.
முதலில் பாடல் காட்சியை படமாக்கிய அவர்கள் அதில் வடிவேலுவுக்கு, 42 மனைவிகளும், 56 பிள்ளைகளும் இருப்பது போன்று எடுத்துள்ளனர்.
இப் படத்துக்கா பிரத்யேக பயிற்சிகளை எடுத்துக்கொண்டு நடித்தாராம் வடிவேலு. ஏற்கெனவே அவர் இம்சை அரசன் 23-ம் புலிகேசி படத்தில் நடித்திருப்பதால், அதன் சாயல் இல்லாத மாதிரி நடிக்க பயிற்சி மேற்கொண்டாராம்.
தொடர்ந்து அடுத்தகட்ட படப்பிடிப்பை மதுரை உள்பட தென்மாவட்டங்களில் நடத்தப் போகிறார்களாம்.
Post a Comment